Un deserto es un area nonfertil en cual poca presipita aveni e donce la constrinjes a vive es dur per plantas e animales. La asentia de plantas esposa la surfas nonprotejeda a la prosede de denuda. Sirca un tri de la surfas solida de la tera es seca o semiseca. Esta inclui la plu de la areas sirca la polos en cual poca presipita aveni e cual es nomida a veses desertos polal o desertos fria. Desertos pote es clasida par la cuantia de presipita, par la temperatur, par la causas de la deserti, o par sua loca jeografial.