Libro de Mormon

La Libro de Mormon es un libro santa de la Mormonisme.

La libro ia es prima publicida en Marto 1830 par Joseph Smith Jr. con la titulo La libro de Mormon: Un atesta scriveda par la mano de Mormon sur la placas prendeda de la placas de Nefi. Seguente Smith e la libro se mesma, La libro de Mormon ia es orijinal scriveda en sinias nonconoseda par la mundo moderna, cual es descriveda como "Egiptian reformida", gravada sur placas de oro. Smith ia dise ce el ia reseta esta placas en 1827 de un anjel nomida Moroni. Smith ia identifia el como un american orijinal reviveda ci ia scrive e corti partes de la libro plu ce un milenio ante acel encontra. Seguente Smith, Moroni ia entera la placas en un caxa de petra, con otra ojetos fabricada, en un colina prosima a la casa de Smith en Manchester, Nova York.

La Libro de Mormon es la publici plu temprana cual defini la comunias de la Santas de dias ultima. Jeneral, la eglesas de la comunia regarda la Libro de Mormon no sola como un scrive santa, ma como un arcivo istorial de la tratas par Dio con la abitores de la Americas, scriveda par profetas american de sirca 2600 aec a sirca 421 ec.