Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Alexander De Croo (3 november 1975, Vilvoorde te Halle-Vilvoorde, Vlaoms-Braobant) is 'ne Belzje politicus en d'n allewijle Premier vaan 't Belsj. Heer is lid vaan de liberaole partij Open Vld, die op EU-niveau deil is vaan Renew Europe (boe ouch de Nederlandse D66 en VVD en Duitse FDP deil vaan oetmake). De Croo steit bekind um zien veurstendersjap vaan de vrije merret en zien sceptische hawwing nao de monarchie touw.
Vaan 1999 bis 2006 waor De Croo aktief in de consulting-industrie. Daonao had heer veur korten tied zienen eige start-up. Vaanaof 2008 woort ziene polletieke kleur al ziechbaar wie heer kernlid woort vaan de Gentsen dinktank Liberales.
Vaan 2009 bis 2012 waor heer partijveurzitter vaan Open Vld, 'n positie die heer euvernom vaan Guy Verhofstadt. Vaan 2010 bis 2012 waor heer Senator naomes de keeskrink vaan Oos-Vlaondere. Allewel heer op 't pönt stoond Börgemeister vaan Brakel te weure, kraog heer in 2012 de kans um carrière te make in de nationaol polletiek. Zoe volgde heer nog in oktober dat jaor Vincent Van Quickenborne op es vicepremier en woort heer daoneve minister vaan Pensioene in de regiering vaan premier Elio Di Rupo.
Wijl heer vicepremier bleef binne de twie kabbinètte vaan de latere premiers, en Waolse mèt-liberaole, Charles Michel en Sophie Wilmès, vervölde heer ouch de fidderaol ministersjappe vaan Oontwikkelingssamewèrking, Digitaol Agenda, Tillecommunicatie & Pos (2014-2018) en Oontwikkelingssamewèrking & Financies (2018-2020).
In 2020 woort heer Premier vaan 't Belsj en leide heer de zoegenaomde Vivaldicoalitie mèt de christendemocrate, sociaoldemocrate, liberaole en ecologiste. Heer is d'n daarde liberaole premier op rij, mer d'n ierste in Vlaondere gebore premier sinds 2009 naotot 't kabbinèt vaan ziene partijgenoet Guy Verhofstadt waor gevalle in 2008.
![]() |
---|
![]() |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Lies van premiers van 't Belsj |
---|
de Gerlache · Lebeau · de Mûelenaere · Goblet d'Alviella · de Theux de Meylandt · Lebeau · Nothomb · Van de Weyer · de Theux de Meylandt · Rogier · Henri de Brouckère · de Decker · Rogier · Frère-Orban · d'Anethan · de Theux de Meylandt · Malou · Frère-Orban · Malou · Beernaert · de Burlet · de Smet de Naeyer · Vandenpeereboom · de Smet de Naeyer · de Trooz · Schollaert · de Broqueville · Cooreman · Delacroix · Carton de Wiart · Theunis · Van de Vyvere · Poullet · Jaspar · Renkin · de Broqueville · Theunis · van Zeeland · Janson · Spaak · Pierlot · Van Acker · Spaak · Van Acker · Huysmans · Spaak · Eyskens · Duvieusart · Pholien · Van Houtte · Van Acker · Eyskens · Lefèvre · Harmel · Vanden Boeynants · Eyskens · Leburton · Tindemans · Vanden Boeynants · Martens · Eyskens · Martens · Dehaene · Verhofstadt · Leterme · Van Rompuy · Leterme · Di Rupo · Michel · Wilmès · De Croo |