Back Limburgs Afrikaans ሊምቡርግኛ Amharic Idioma limburgués AN Limburgisc ANG اللغة الليمبورغية Arabic الليمبورغيه ARZ Idioma limburgués AST Tataramon na Limburges BCL Лимбургски език Bulgarian Limbourgeg Breton
- Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.
| Limburgs | ||
|---|---|---|
| Inheimse name: | Limburgs, plat | |
| Gekald in: | Gooddeils Nederlands Limburg, Belsj Limburg, midde-Rienland, e paar dörper in Wallonië. | |
| Classificatie: | Indo-Europees Germaans Wesgermaans Nederduuts Nederfrankisch Zuidnederfrankisch Limburgs | |
| Aantal sjpraekers: | ca. 1,6 miljoen | |
| Cónservatiegraod: | Nederland: neet bedreig Belsj en Duitsland: bedreig | |
| Officieel taal: | Erkinning in Nederland | |
| ISO-639-code: | li, lim, lim | |
't Limburgs (ouch waal: Lèmburgs, Limburgsj of Limburgisj) is d'r populaere naam vör 'n verzameling dialekte die in de dialektologie 't Zuidoosnederfrankisch geneumd werre. Me is ooch d'r term 'Limburgs' gaoë gebruke umdat de mètste gebroekers van dis dialekte in èng van de beide Limburge wonne, mae 't haat och luuj in Wallonië en Duutsjland die dis taal nog kalle. 't Limburgs is dus e diasysteem. 't Limburgs is ing vaan de winnige toeëntale in Europa.
In 1997 tekende de Hollendsje överhèèd 't Europees handvest ter erkenning van Europese regionaal tale en erkende daomit 't Limburgs in Nederland as Europese regionaal sjtreektaal. De Bèlzje överhèèd haat in 2001 't Kaderverdraag inzake de besjerming van nationaal minderhede getekend. Vlaandere weigert dit verdraag te ratificere, oeëdör 't Handvest ter erkenning van regionaal tale neet getekend kan werre en daorum besjteunt dis dialekte in Belsj Limburg nog neet officieel.