Polletiek

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

Op versjillende besjtuurlike niveau's is polletiek de imperfekte wies woerop belangeversjille van persoeëne in ein samenlaeving behartigd waere, veur individueel en / of gemeinsjappelik veurdeil. Woe krek de lien lik tösje 't polletieke en 't ethische en sociale is ein vraog woeë väöl versjil va meining euver besjtit. In de Duutsje polletikologie weurt dieks gekald van drie dimensies binne de polletiek: polity (sjtructuur), politics (proces) en policy (inhoud; dieks op 't alledaags Nederlands beleid geneump).

In 'n democratie werre de luuj en organisaties die an polletiek maoge doeë dör, es soeverein burgers besjoewde luuj, (indirect) verkaoze. Alle aander, die machsmiddele gebroeke um de belange van zichzelf of van hun organizaasje te behartige, haant daovör in 'n democratie ging legitimaasje.

De meiste theoretici erkinne dat 'r sjpraoke mot zieë van einig potentieel veur 't gebroek van geweld of mach, om te zègke dat 'n vraogsjtuk polletiek is - om 'n polletiek konflik te winne is meistal sjpraoke van ein verplaatsjing van mach van eine groep of persoeën nao eine angere groep of persoeën.