![]() |
Quest articol chì l'è scrivud in lombard, con la Noeuva Ortografia Lombarda |
La piev de la Valtravaja o piev de San Vitor martir a l'è stada 'na piev religiosa e ministrativa del milanes, in pè in del Ducad de Milan del XIV secol al 1797, con l'invasion giacobina, e in l'Arcidiocesi de Milan del 1137 al 1972, cont el sinod Colombo. Se sa minga tant in su la soa storia, soratut quella pussee antiga. 'Me piev ministrativa e religiosa la gh'haveva dent i comun de Béder con Bresc, Mucen, Agra, Armi, Biegn, Bosch, Brissagh, Cadee, Campagnan, Garabioeu, Musignan, Curija, Dumenza, Cossan, Run, Germignaga, Graj, Grantola, Losc, Luin, Macagn, Mesenzana, Montegrin, Monviasch, Musadin, Port, Rogian, Castelvecana e Voldomen. Partegniven civilment a la piev, ma religiosament a la diocesi de Com, i comun de Arbizz, Brusin, Cremenaga, Cujaa, Cunard, Fabiasch, Lavena-Ardena, Marchiroeu, Macc, Pin, Tronzan e Carian. La parochia de San Steven de Macagn de Sota la dipendeva de la Piev, menter el comun a l'éra un liber feud imperial.