Asy'ariyah

Laman ko marupokan bagian dari Islam Sunni
Namo Langkok
Ahl as-Sunnah wa’l-Jamā'ah أهل السنة والجماعة‎
Rukun Iman
Tauhid • Malaikaik Kitab • Nabi dan Rasul Kiamaik • Qada dan Qadar
Rukun Islam
Syahadaik • Salat Zakaik • Puaso • Haji
Khulafaur Rasyidin
Abu Bakr • Umar bin al-Khattab Utsman bin Affan • Ali bin Abi Talib
Aqidah
Asy'ariyah • Maturidi • Al-Atsari lainnyo: Mu'tazilah • Murji'ah
Fiqih
Hanafiyah • Malikiyah • Syafi'iyah• Hanabilah
Hadits
Sahih Bukhari • Sahih Muslim Musnad Ahmad Sunan Abu Dawud Sunan al-Tirmidzi Sunan Ibnu Majah • Al-Muwatta Sunan al-Darimi
Kotak ko: lihek maota suntiang

Asy'ariyah (bahaso Arab: أشعرية‎) adolah ciek aliran (mazhab) akidah dalam Islam Sunni, nan dinamoan manuruik imam jo pandirinyo, Abul-Hasan al-Asy'ari (w.323 H/935 M)^[1], nan salasilah garih katurunannyo sampai ka Sahabaik Abu Musa al-Asy'ari.

Pangikuik Asy'ariyah maanggap aliran ko sabagai jalan tangah antaro nan mandukuang akal (logika) sacaro mutlak, sarato nan bapacik sacaro kaku pado teks hadis (Arab: nash, نَصّ) jo makna lahiriahnyo sajo. Pandangan mareka indak batantangan jo kasapakatan (Arab: ijma', إجماع) dari Imam nan Ampek (Abu Hanifah, Malik, Syafi'i, jo Ibnu Hanbal), sarato indak maanggap Ahli Kiblaik nan manopun sabagai urang kapia. Walaupun labiah mautamokan hadis daripado akal, mareka mamakai akal sabagai sarano untuak mamahami hadis, sasuai nan ditunjuakkan dek babagai ayaik Al-Qur'an nan mandoroang urang untuak bapikia jo maranuang.^[2]

Pangikuik Asy'ariyah malawan pandapek kaum Mu'tazilah, mambantah panyatoan mareka, mambatalkan karagu-raguan nan alah mareka angkek, sarato mambaliakan panafsiran agamo supayo sasuai caro jo manhaj (metodologi) kaum Salaf (generasi awal) umaik Islam.^[3] Salain Imam Al-Asy'ari, Imam Al-Maturidi lai juo maambiak jo manarapkan manhaj nan sarupo; jo kaduonyo itulah nan mambantuak ilimu kalam (Arab:ilm al-kalam, علم الكلام) Sunni.^[4]

Sajumlah ulama nan maikuik manhaj ko dalam hal akidahnyo, sarupo: Al-Baihaqi, Al-Baqillani, Al-Qusyairi, Al-Juwaini, Al-Ghazali, Fakhruddin ar-Razi, An-Nawawi, As-Suyuthi, Izzuddin bin 'Abdussalam, Taqiuddin as-Subki, Ibnu 'Asakir, jo lain-lain.^[5]

1. ↑ "ʿAlī ibn Ismāʿīl Abū al-Ḥasan al- Ašʿarī (0873-0935)". data.bnf.fr (dalam bahasa Inggris). Diakses tanggal 2024-07-18. 
2. ↑ "الأشاعرة | Dr.Fakhri Bsoul - Academia.edu". web.archive.org. 2018-03-28. Archived from the original on 2018-03-28. Diakses tanggal 2024-07-18. Pemeliharaan CS1: Url tak layak (link)
3. ↑ "Introduction to the book: The Ash'ari Sunnis, the Testimony of the Scholars of the Nation and Their Evidence" (dalam bahasa Arab). Diarsipkan dari versi asli tanggal 2018-09-11. Diakses tanggal 2024-07-18. 
4. ↑ "الوطن | الدولة | الجفري: الأشاعرة مثلوا 95% من علماء أهل السنة". web.archive.org. 2018-09-11. Archived from the original on 2018-09-11. Diakses tanggal 2024-07-18. Pemeliharaan CS1: Url tak layak (link)
5. ↑ "الأشعرية في خريطة الفكر الإسلامي". web.archive.org. 2017-01-03. Diarsipkan dari versi asli tanggal 2017-01-03. Diakses tanggal 2024-07-18.