Back Bahsa Minangkabau ACE Minangkabau Afrikaans لغة مينانغكاباو Arabic لغه مينانغكاباو ARZ Idioma minangkabau AST Minanqkabau dili Azerbaijani Basa Mainakebo BAN Hata Minangkabau BBC Tataramon na Minangkabau BCL Мінангкабау (мова) Byelorussian
| Minangkabau | |
|---|---|
| باسو مينڠكاباو Bahaso Minangkabau Baso Minang Baso Awak | |
| Ditutuakan di | Indonesia, Malaysia |
| Rantau | Sumatera Barat, Riau, Jambi, Bengkulu, Sumatera Utara, Aceh (Indonesia) Nagari Sambilan (Malaysia) |
| Etnis | Minangkabau |
| Jumalah panutua | 6,500,000 (indak ado tanggal) |
| Rumpun bahaso | |
| Logaik | Agam, Aneuk Jamee, Batu Sangka-Pariangan, Kurinci-Minangkabau, Pangulu, Payokumbuah, Sijunjuang, Singkarak, Urang Mamak, Tanah, Ulu |
| Kode-kode bahaso | |
| ISO 639-2 | min |
| ISO 639-3 | min |
 | |
Bahaso Minangkabau atau baso Minang marupokan bahaso nan tamasuak dalam rumpun bahaso Austronesia. Baso Minang acok disabuik sacaro umum dek etnis lain di Indonesia sabagai Bahasa Padang.[1] Baso Minang dipakai dek urang Minang di Sumatra Barat, sarato urang Minang di rantau[2] baiak di Indonesia atau di lua nagari.
Baso Minang ko mampunyoi banyak dialek, bahkan dialek di duo nagari nan badakekanpun dapek sajo babeda. Pabedaan dialek ko dapek dari intonasi (ado dialek nan agak bairama, ado nan data sajo, bahkan ado pulo nan agak kareh) maupun dari pilihan kato. Tapi sacaro umum baso Minang nan dipakai di pakotaan, utamonyo di Padang atau kota-kota parantauan di lua Sumbar, manjadi bahaso panganta untuak urang-urang Minang nan dari babagai daerah baiak dalam mangecek sahari-hari maupun dalam kasusastraan Minangkabau. Hal iko tajadi dek wilayah pakotaan tacampua sagalo macam dialek nan ado di wilayah Minangkabau sainggo bahaso Minangkabau di pakotaan dianggap sabagai bahaso Minangkabau umum.[3]
Bahaso Minang kini dalam kategori nan cukuik aman dari kapunahan dek karano masih digunoan sabagai bahaso sahari-hari dek masyarakaik Minangkabau. Walaupun banyak urang Minangkabau nan marantau ka babagai daerah, bahaso Minang masih juo dibaok sarato gunoannyo dalam mangecek sahari-hari jo sasamo urang Minang di rantau.
- ↑ Grimes dkk. 1995, hlm. 212.
- ↑ Khatib 1986, hlm. 1.
- ↑ Ayub A, Husin N, Muhardi M, Usman A H, & Yasin A. (1993). Tata Bahasa Minangkabau Archived 2019-04-13 di Wayback Machine.. Pusat Pembinaan dan Pengembangan Bahasa, Jakarta. ISBN 979-459-294-3