Back Nusantara ACE نسنطرة (مصطلح) Arabic Nusantara BCL Nusantara BJN নুসান্তর (দ্বীপপুঞ্জ) Bengali/Bangla Nusantara German Nusantara (term) English Nusantara Spanish Nusantara (archipel) French Nusantara Galician

Kapulauan Nusantara

Peta kapulauan Nusantara balampih ameh malambangkan tanah aia Nagara Kasatuan Republik Indonesia di Ruang Kamardekaan Monas, Jakarta.

Nusantara adolah sabuah istilah nan barasa dari kato dalam bahaso Kawi (sabuah bantuak bahaso Jawa Kuno nan banyak dipangaruhi bahaso Sanskerta), iyolah ꦤꦸꦱ (nusa) tjmh. har. "pulau" jo ꦲꦤ꧀ꦠꦫ (antara) tjmh. har. "lua". Di Indonesia, istilah "Nusantara" sacaro spesifik marujuak ka Indonesia (pulau Indonesia),[1][2][3]:3[4]:230 kato iko partamo kali tacataik dalam kitab Negarakertagama untuak manggambari konsep nagara nan dianuik Majapahit; nan kawasannyo marujuak kapado sabagian gadang Asia Tenggara, tarutamo di wilayah kapulauan.

Konsep tantang Nusantara sabagai sabuah daerah nan digabuang pado mulonyo indak barasa dari Gajah Mada, tapi dek Raja Katanegara dari Karajaan Singhasari—disabuik juo Singasari atau Singosari—dalam Prasasti Mula Malurung nan ditabikan dek Kertanegara pado taun 1255 ateh parentah apaknyo, Wisnuwardhana (bakuaso pado taun 1248-1268), sabagai rajo Singhasari.[5] Salain itu, pado taun 1275, istilah Cakravala Mandala Dvipantara digunokan dek Kertanegara untuak manggambari aspirasi tantang Kapulauan Asia Tenggara nan basatu di bawah kakuwasoan Singhasari jo ditandai sabagai awal untuak usaonyo dalam mangarajokan aspirasi tasabuik.[6] Dvipantara adolah kato dalam Bahaso Sansekerta nan aratinyo "pulau-pulau nan ado di tangah" sabagai sinonim untuak kato Nusantara karano kaduo dvipa jo nusa sama-sama aratinyo adolah "pulau". Kertanegara mambuek visi tentang panyatuan pamarintah jo karajaan maritim di Asia Tenggara sabagai patahanan dalam mampatahankan dalam mangadapi kabangkitan dari ekspansionis Dinasti Yuan dari China—atau Tiongkok—nan dipimpin dek urang Mongol atau Kakaisaran Mongol di bawah kaisar Kubilai Khan.[7]

Pado taun 1900-an istilah iko dihidupkan baliak dek Ki Hajar Dewantara[8] sabagai salah satu namo alternatif untuak nagara mardeka salain Hindia Balando. Sakalipun namo "Indonesia" (tjmh. har.'Pulau-pulau Hindia') disatujui untuak digunokan sabagai namo rasmi Nagara Kesatuan Republik Indonesia, kato Nusantara tatap dibadikan sabagai sinonim untuak pulau-pulau Indonesia. Panggunoan istilah iko pado maso kuno dipakai untuak manggambari kesatuan geografi-antropologi kapulauan nan talatak antaro banua Asia jo Australia (tamasuak Samananjuang Malaysia).

Sacaro labiah laweh, Nusantara dalam bahaso modern tamasuak Indonesia, Malaysia, Singapura, Thailand Selatan, Kapulauan Andaman & Nikobar, Brunei, Filipina, Timor Timur, Papua Nugini, Solomon Utara, jo Kapulauan Selat Torres, sarato mungkin pulau-pulau ketek di samudra Hindia sarupo Pulau Natal, Kapulaukan Cocos (Keeling), jo pulau Pasir.[9][10]

Pribumi-Nusantara (Pribumi Indonesia), juo disabuik pribumi (lit. 'patamo di tanah air Indonesia), adolah urang Indonesia nan niniak muyangnyo talatak di Nusantara sajak jaman prasejarah dari abaik ka-7 M sampai abaik ka-13 Masehi, dibedakan jo urang Indonesia katurunan asing (bagian) nan dikatahui, sarupo urang Indonesia Tionghoa, urang Indonesia Arab, urang Indonesia India jo urang Indo-Eropa (Eurasia) nan sabalunnyo ado di Indonesia dari Zaman penjajahan kolonial sajak abaik ka-16 M.[11] Istilah pribumi dipopulerkan sasudah kamardekaan Indonesia sabagai pangganti nan tahormat untuak istilah kolonial Belanda Inlander.

Samaso pandudukan Balando di Nusantara (Indonesia), salah saurang nan cukuik bapangaruah iolah Sir Thomas Stamford Bingley Raffles nan banyak malakukan pajalanan di babarapo daerah Nusantara nan kamudian tamuannyo dituangkannyo dalam bantuak catatan atau laporan pajalanan. Babarapo di antaronyo iolah Sumatera, Kalimantan, Sulawesi, Bali, Timor, Rotti, Solor, Flores, jo Sumba.[12]

  1. ↑ "Nusantara". Nusantara (edisi ke-3). Badan Pengembangan dan Pembinaan Bahasa. 9 Agustus 2016. https://kbbi.kemdikbud.go.id/entri/Nusantara. 
  2. ↑ Rais, Mohamed Amien; Ng, Taryn; Irwan, Omar; Najib, Muhammad (2004). Putra Nusantara: Son of the Indonesian Archipelago [Putra Nusantara: Putra Kepulauan Indonesia]. Singapore: Stamford Press. ISBN 9810499078. https://www.nlb.gov.sg/biblio/12269405. 
  3. ↑ Rais, Mohamed Amien; Ng, Taryn; Irwan, Omar; Najib, Muhammad (2004). Putra Nusantara: Son of the Indonesian Archipelago [Putra Nusantara: Putra Kepulauan Indonesia]. Singapore: Stamford Press. ISBN 9810499078. https://www.nlb.gov.sg/biblio/12269405. 
  4. ↑ Avé, J. (1989). "'Indonesia', 'Insulinde' and 'Nusantara': Dotting the I's and Crossing the T". Bijdragen Tot De Taal-, Land- En Volkenkunde (dalam bahasa Inggris). Leiden, the Netherlands. 145 (2/3): 230. 'Nusantara' has been understood and used to refer to the whole, that is, the mosaic of 'nusas' which constitutes an archipelago, specifically the Indonesian archipelago. Berg's interpretation, however, appears to have been generally accepted... 
  5. ↑ Mpu, Prapañca; Robson, Stuart O. (1995) (dalam bahaso en). Deśawarṇana: (Nāgarakṛtāgama). KITLV. ISBN 978-90-6718-094-8. https://books.google.com/books?id=aZduAAAAMAAJ. 
  6. ↑ Kusumoprojo, Wahyono Suroto (2009) (dalam bahaso id). Indonesia negara maritim. PT Mizan Publika. ISBN 978-979-3603-94-0. https://books.google.co.id/books?id=QoJKR85srh8C&lpg=PA186&hl=id&pg=PA186#v=onepage&q&f=false. 
  7. ↑ "Timeline of the Yuan dynasty". Wikipedia (dalam bahasa Inggris). Diakses tanggal 3 Februari 2024. 
  8. ↑ Justus M. van der Kroef (1951). "The Term Indonesia: Its Origin and Usage". Journal of the American Oriental Society. 71 (3): 166–171. doi:10.2307/595186. 
  9. ↑ Evers, Hans-Dieter (2016). "Nusantara: History of a Concept". Journal of the Malaysian Branch of the Royal Asiatic Society. 89 (1): 3–14. doi:10.1353/ras.2016.0004. ISSN 2180-4338. 
  10. ↑ Hafizah Iszahanid (11 Oktober 2018). "Istilah Nusantara diguna tanpa semangat penyatuan Melayu". Berita Harian. Konsep Nusantara dalam pemahaman warga Indonesia sangat berbeza dengan apa yang difahami rakyat Malaysia, bahkan hampir kesemua negara lain di Asia Tenggara termasuk Singapura...ketika kebanyakan penduduk Asia Tenggara merujuk Nusantara kepada wilayah Kepulauan Melayu atau negara di Asia Tenggara, penduduk Indonesia sebaliknya berpendapat Nusantara adalah Indonesia semata-mata. 
  11. ↑ Times, I. D. N.; Wicaksono, Bayu D. "Siapa Pribumi Asli Indonesia yang Sebenarnya? Sejarah Telah Menjawab!". IDN Times (dalam bahasa In). Diakses tanggal 2024-02-03. 
  12. ↑ Annabel Tah Gallop, dkk (2020). Nusantara Semasa Rafless: Catatan dan Laporan Perjalanan di Sumatera, Kalimatan, Sulawesi, Bali, Timur, Rotti, Sawu, Solor, Flores, dan Sumbar. Yogyakarta: Penerbit Ombak. ISBN 978-602-258-555-8. http://penerbitombak.com/product/nusantara-semasa-raffles-catatan-dan-laporan-perjalanan-di-sumatra-kalimantan-sulawesi-bali-timor-rotti-sawu-solor-flores-dan-sumba/. 
From Wikipedia, the free encyclopedia · View on Wikipedia

Developed by Tubidy