Kota Bandung | ||
---|---|---|
| ||
![]() Lokasi Kota Bandung di Pulau Jawa | ||
Lokasi kota Bandung di peta pulau Jawa | ||
Lokasi kota Bandung di peta Indonesia | ||
Koordinat: 6°54′53.08″S 107°36′35.32″E / 6.9147444°S 107.6098111°E | ||
Nagara | ![]() | |
Provinsi | Jawa Barat | |
Ari jadi | 25 September 1810 | |
Laweh | ||
• Total | 167,67 km2 (64,74 sq mi) | |
Katinggian | 768 m (2.520 ft) | |
Panduduak | ||
• Total | jiwa | |
Demografi | ||
• Suku banso | Sunda, Jawa, Tionghoa, Arab, Batak, dll. | |
Zona wakatu | WIB (UTC+7) | |
Kode telepon | +62 22 | |
Kode SNI | BDG | |
DAU | Rp. 1.485.941.032.000.-(2013)[1] | |
Flora | Anggrek bulan | |
Fauna | Owa Jawa | |
Kode Kemendagri | 32.73 ![]() | |
Situs web | www.bandung.go.id |
Kota Bandung (Aksara Sunda Baku: ᮊᮧᮒ ᮘᮔ᮪ᮓᮥᮀ) marupokan kota metropolitan paliang gadang di Provinsi Jawa Barat sarato manjadi ibu kota provinsi sakali. Kota ko talatak 140 km sabalah tenggara Jakarta, dan marupokan kota paliang gadang di wilayah Pulau Jawa bagian selatan. Sadangkan wilayah Bandung Raya (Wilayah Metropolitan Bandung) marupokan metropolitan paliang gadang katigo di Indonesia sasudah Jabodetabek jo Gerbangkertosusila.
Di kota ko tacataik babagai sijarah pantiang, di antaronyo sabagai tampek batagaknyo sabuah paguruan tinggi teknik partamo di Indonesia (Technische Hoogeschool te Bandoeng - TH Bandung, kini Institut Teknologi Bandung - ITB)[2], tampek patampuran pado maso kamardekaan[3], sarato panah manjadi tampek balansuangnyo Konferensi Asia-Afrika 1955,[4] suatu patamuan nan manyuarokan sumangek anti kolonialisme, bahkan Pardano Mantari India Jawaharlal Nehru dalam pidatonyo mangatokan baso Bandung adolah ibu kotanyo Asia-Afrika.[5]
Pado taun 1990 kota Bandung tapiliah sabagai salah satu kota paliang aman di dunia manuruik survei majalah Time.[6]
Kota kembang (Kota bungo) marupokan sabutan lain untuak kota ko, kareno pado zaman dulu kota ko dinilai amaik ancak jo raminyo pohon-pohon jo bungo-bungo nan tumbuah di sinan. Salain itu Bandung daulunyo disabuik juo jo Parijs van Java dek karano karancakannyo. Salain itu kota Bandung pun tanamo sabagai kota balanjo, jo mall sarato factory outlet nan banyak taseba di kota ko, dan kini baransua-ansua juo kota Bandung manjadi kota wisata kuliner. Dan pado taun 2007, konsorsium babarapo LSM internasional manjadikan kota Bandung sabagai pilot project kota paliang kreatif sa-Asia Timur.[7] Kini kota Bandung marupokan salah satu kota tujuan utamo pariwisata jo pandidikan.