Urang Daya

Suku Daya atau Komering Daya : Jelma Daya, Jelema Daya, atau Jalma Daya adolah salah satu suku bangsa pribumi yang ado di provinsi Sumatra Selatan tapeknyo di Kabupaten Ogan Komering Ulu (OKU).^[1] Pasebarannyo juo dominan/signifikan tasebar di Kabupaten Ogan Komering Ulu Selatan (OKUS).^[2] Suku iko bakarabat dakek jo Suku Lampung dan Suku Melayu. Suku Komering Daya atau Jelma Daya iduik dan manyebar di dakek Hulu aliran batang aia/way yang kini di kenal jo namo Batang Komering. batang aia yang mengalir mulai dari hulu itu tapeknyo mulai dari patamuan batang aia Saka Selabung jo batang aia Lengkayap yang mangalia ke Hilir sampai ka muaro yang ado di Plaju di sabuik batang aia Komering. W.V. Van Royen manulis dalam bukunyo “ De Palembangsche Marga (1927) mangatokan kalompok masyarakat iko “ Jelma Daya “ yang berarti urang yang kuek/badayo/gagah atau kalompok masyarakaik yang ulet jo dinamis. Saurang sajarawan dari Balando banamo Van Der Tuuk juo mangatokan kalompok masyarakaik iko jo namo “ Kembiring “ yang di barati sabagai manusia jadi-jadian (urang yang dapek mahilang dan bisa barubah manjadi Harimau).

Dahulu panduduak yang mandiami batang aia Komering sampai di Gunuang Batu, tabagi jadi 2 (duo) Kewedanaan iolah Kewedanaan Muaro Duo dan Kewedanaan Martapura, sabagian panduduak kewedanaan Muaro Duo di sabuik Jelma Daya atau kini ko disabuik Komering Daya samantaro itu panduduak yang tamasuak dalam kewedanaan Martapura disabuik Jolma Botung atau Komering Betung. Bahaso yang digunoan oleh suku Daya atau disabuik bahaso Daya/bahaso Komering Daya mampunyoi banyak pasamoan jo bahaso Lampung dialek A atau biaso disabuik bahaso Lampung Api/Pasisira dan juo bahaso Malayu Tangah/Barisan Salatan dikaranokan panuturan dialek Daya/Komering Daya badampingan jo panutur kaduo bahasao tasabuik, basamoan jo dialek Aji. Bahaso komering dialek Daya mampunyoi ciri khas surang dari dialek Komering lainnyo yang condong ka kato barawalan huruf "O" sadangkan dialek Daya barawalan huruf "E" pepet/rendah sarupo pado pangucapan kato "dengan" contohnyo kato "Jolma" manjadi "Jelma" dalam dialek Daya namun kaduonyo tatap diakhiri huruf "A". Babeda jo dialek Komering Kayuagung yang diakhiri huruf "E" talling/tinggi sarupo pado pangucapan "Ember". Bahaso Daya marupakan dialek bahaso Komering jo sapatigo (1/3) kosakatonyo barasa dari bahaso Lampung jo bahaso Malayu Tangah (terutama Ogan) sarupo: Semendo, Ogan, jo Pasemah.

1. ↑ Melalatoa, J. 1995. Ensiklopedi Sukubangsa di Indonesia. Jilid A--K. Jakarta: Departemen Pendidikan dan Kebudayaan.

2. ↑ Badan Pusat Statistik (21 Januari 2021), Kewarganegaraan, Suku Bangsa, Agama, dan Bahasa Sehari-hari Penduduk Indonesia (Hasil Sensus Penduduk 2020), Jakarta: Badan Pusat Statistik