Back Staat Afrikaans Staat ALS አገር ግዛት Amharic Estau AN دولة Arabic ܐܬܪܐ ARC دولة ARY دوله ARZ Estáu AST Пачалихъ AV
Stado ye ua anstituiçon Ourganizada políticamente, socialmente i juridicamente, acupando un território defenido, normalmente adonde la lei mássima ye ua Custituiçon scrita, i derigida por un goberno que ten soberanie recoincida tanto anterna cumo sternamente. Un Stado soberano ye resumido ne l dito "Un goberno, un pobo, un território". L Stado ye repunsable pula Ourganizaçon i pul cuntrole social, pus deten, segundo Max Weber, l monopólio legítimo de l uso de la fuorça (coerçon, specialmente la legal).
L recoincimiento de la andependéncia dun stado an relaçon als outros, premitindo al purmeiro assinar acuordos anternacionales, ye ua cundiçon fundamental pa l stablecimento de la soberanie. L Stado puode tamien ser definido an termos de cundiçones anternas, percipalmente (cunsante screbiu Max Weber, antre outros) ne l que diç respeito a la anstituiçon de l monopólio de l uso de la bioléncia.
L cunceito parece tener ourige nas antigas cidade-stado|cidades-stados que se zambolbírun na antiguidade, an bárias regiones de l mundo, cumo la Suméria, la América Central i ne l Stremo Ouriente. An muitos causos, estas cidades stado fúrun a cierta altura de la stória puosta ambaixo la porteçon de l goberno dun reino ou amperador|ampério, seia por antresses eiquenómicos, seia adominados pula fuorça. L stado cumo ounidade política básica ne l mundo ten, an parte, benido a eiboluir ne l sentido dun supranacionalismo, an forma de Ourganizaçones Regionales, cumo ye l causo de la Ounion Ouropeia.
Ls agrupamientos sucessibos i cada beç mais grandes de seres houmanos pórtan-se de modo a chegáren a l'eideia de Stado, de que ls aliçaces fúrun stablecidos na stória mundial cula Orde de Wetsfalia (Paç de Bestfália), an 1648. La anstituiçon statal, que ten ua base de normas jurídicas i sociales para séren seguidas, eibidencia-se cumo “casa fuorte” de las leis que dében rigular la bida an sociadade.
Desse modo, l Stado repersenta la forma mássima de Ourganizaçon houmana, solamente stando porriba del la eideia de Quemunidade Anternacional.