Back Calvinisme Afrikaans Reformierte Kirchen ALS Calvinismo AN كالفينية Arabic الكنيسه الكالفينيه ARZ Calvinismu AST Kalvinizm Azerbaijani Кальвінізм Byelorussian Кальвінізм BE-X-OLD Калвинизъм Bulgarian
De Calvinismus is en Twieg vun den Protestantismus. He hett siene Grundlagen in de Theologie un in de soziale un politische Lehr vun den Reformater Johannes Calvin (1509-1564). Dor warrt avers över streden, of de latere Calvinismus övereenstimmen oder afwieken deit vun dat, wat Calvin sülms dacht un schreven hett.
De Calvinismus hett duchtig inwarkt up Karken un Staat, u. a. in Frankriek (Hugenotten), Schottland (John Knox), de Swiez un de Nedderlannen. De Lehr vun den Calvinismus hett ok bi de Puritaners in England un in de Vereenigten Staten Wuddeln slahn un finnt sik dor bit up düssen Dag in de presbyteriaanschen un kongregatschonalistischen Karken. In de Nedderlannen hett Abraham Kuyper in de tweete Hälft vun dat 19. Johrhunnert den (Neo-) Calvinismus up de Hööchde bröcht un dor groten Infloot up Politik, Staat, Karken un Sellschop mit utöövt.