Jochen Nickel (* 10. April 1959 in Witten) is en düütschen Schauspeler.
Nickel hett eerst in’n Stratenbo lehrt un dor ok sien Gesellen maakt. 1981 is he an’t Theater kamen un weer bit 1987 ünner dat Regeer vun Roland Reber Liddmaat vun de Theatergrupp Theaterpathologisches Institut in Hattingen un Lünen.
In’t Feernsehn weer he dat eerste mol 1989 to sehn, as de Feernsehfilm-Reeg Rote Erde vun Klaus Emmerich wietergüng. Dorna harr he tallrieke Engagements bi naamhafte Speelbasen in Film un Feernsehn. Faken speelt he dorbi ruge Minschen, Ganoven oder markante Ruhrputt-Typen, man ok af un to Rullen, de mit’n Inslag na Kummedie anleggt sünd. He hett ok in en grote Reeg vun Kortfilmen mitspeelt.
Nickel wohnt tosamen mit Sonja Kirchberger in en Penthouse op Mallorca. He hett en Dochter, de in Hamborg leevt.