t Armeloos is n West-Veluws en Nedersaksies dialekt dat espreuken wort in de gemeente Armelo, in de Nederlandse provinsie Gelderland. t Armeloos is stark verwant an dialekten as t Putters, Harderwieks, Niekarks, Barrevelds en t Nunspeets. t Armeloos ku'j beschrieven as n Nedersaksies dialekt mar wel mit n bonk Nederfrankiese invleujen, net zo as de meeste are West-Veluwse dialekten. Ten opzichte van t Putters is t al meer Saksies van aord.
Ten zujen van Armelo loopt de isoglosse geet/steet-gaot/staot, in t zujen dervan, vanof Putten, zegen ze hie staot/gaot en ten noorden dervan, is t hie steet/geet. n Ander verschil in uutspraak tussen t Armeloos en t Putters is dat ze in Armelo went zegen en in Putten want.