Bos

Bos is een begreuiing dee veurnamelijk besteet uut bomen, hieronder greuien vanzelf oek plaanten as mossen, gres, bloemen en struken. De kruudlage is de lage mit plaanten dee neet hoger wonnen as 135 centimeter en de struuklage is de lage mit plaanten dee tussen de 135 en de 800 centimeter hoog wonnen. Boven de 800 centimeter he-j 't over de bomenlage. Een bos is officieel een bos as 63% van de luch bedek is mit boomtoppen.

In een bos kwammen grote grezers veur, disse beesten huilen 't open terrein open totdat der stekelige begreuiing as de brummel en meidoorne opkwam, ekels wönnen an de raand deur de mariekolver of de eekhoorne verstop as wientervoer. Sommigen ekels wönnen neet weerummevunnen en dat was 't begin van een niej bos.

A-j 't over de mederne netuurontwikkeling hem, dan he-j preduktiebos en daornaos he-j prejekken as de Gelderse poorte en de Oostvaordersplassen. Hier wonnen minnig onderhoud an edaon, der wonnen neet of krap-an bomen eplaant en de theorieën over ho een oerbos ontsteet wonnen in de praktiek ebröch. In Nederlaand bin oek een bonke boswachteriejen.

In tropische klimaoten zie-j vake (tropische) regenwouden of oerwouden.