Back Ботсвана Abkhazian Botswana ACE Botswana Afrikaans Botsuana ALS ቦትስዋና Amharic Botswana AMI Botsuana AN Botswana ANG Botsuwana ANN बोत्स्वाना ANP
| Republic of Botswana Lefatshe la Botswana Hango yeBotswana | ||
 |
 | |
 Kaarte van Botswana
| ||
| Informasie | ||
| Sproaken | engelsk, setswana, kalanga | |
| Heufdstad | Gaborone | |
| Regeringsvörm | Federale republik | |
| Geleuf | kristelik (73%), ateistisk (20%), natuurgelöyve (6%), Hinduisme, buddhisme | |
| Laand en inwonners | ||
| Oppervlakte - Water |
581.730 km² 2,7% | |
| Inwonners - Dichtheid |
2.254.068 (Skatting van 2018) 3,7 inw./km² | |
| Koordinaten | 24° 39′ S, 25° 54′ O
| |
| Oaverig | ||
| Volksleed | "Fatshe leno la rona (Tswana) "Eseagend is uns nobele land" | |
| Munteenheid | Pula (BWP)
| |
| Tiedzone | GMT+2 (CAT) | |
| Web | Kode | Tel. | .bw | BW | +267 | |
Botswana, officieel de Republik Botswana (in et setswana: Lefatshe la Botswana en in et kalanga: Hango yeBotswana) is en land in et süden van et wearlddeyl Afrika. Et ligt med de klokke med an Zimbabwe in et noordousten, Süüdafrika in et süden en süüdousten en Namibie in et westen en noorden. Botswana is vulleydig ümslöäten döär land en höyvdsakelik vlak. Souwat 70 procent van Botswana is deyl van de Kalahariwööste. Ouk hevt et noch ne slecht definieerde grense van en paar hunderd meter med et land Zambia, dee anegeaven wördt döär de rivyr de Zambezi.
Med mär sou'n 2,3 miljoon lüde is et eyne van de dünstbevolkte landen van de wearld. Ungeveyr 10 procent dårvan woanet in Gaborone, de höyvdstad en gröätste stad van et land. Botswana was lange eyne van de armste landen van de wearld med in de jåren 60 van de 20. eywe noch en döärsneyde jårinkummen van de man ungeveyr €1142. Seyd dee tyd hevt sik Botswana untwikkeld töt land med en döärsneyde inkummen en eyne van de snelstgroiende ekonomien van de wearld.[1]
Sou'n 200.000 jår terügge warren de Homo sapiens de eyrste inwoaners. De Tswana sint en volk wat afstamt van bantuvolker dee as buren en herders rund et jår 600 vanuut et noorden up et süden an tröäken. In 1885 koloniseerden de britten et en röpen et uut as beskarmd gebeed under de name Bechuanaland. Nå de dekolonisaty wör Bechuanaland up den 30. september van 1966 unafhangelik as ne republik van et Britske Gemenebest en kreag de name Botswana. [2] Seyd dee tyd is et ne republik med ofvaerdiging en stöädige en vreydige vorkesingen en stelselmåtig et laegste umköyperyegetal van Afrika seyd 1998.[3] Et is up dit ougenblik Afrika's öldste döärloupende demokraty.[4]
De ekonomy drait up mynbouw, veyholderye en turisme. Nen warkenden in Botswana had in 2019 in döärsneyde sou'n € 15.129,76 to besteaden.[5] Dat is eyne van höygste cyfers van Afrika.[6] Et houge BBP (wat skattet et up dree nå höygste van Afrika) sorget dat et land ne redelik houge leavensstandaard hevt en de höygste untwikkelingsindeks van subsaharaansk Afrika.[7]
Botswana is lid van de Afrikaanske Uny, de Südelik-Afrikaanske Untwikkelingsgemeenskap, et britske Gemenebest en de Voreynigde Natys. Et land hevt swår to lyden ehad under nen uutbraak van HIV/AIDS. Undanks de vorholdingswys good spreide behandelingen en vöärlichting oaver wat de lüde der an künnet doon üm et to vöärkummen, steyg et antal lüde med AIDS van 290.000 in 2005 töt 320.000 in 2013.[8]. Med 20% van de inwoaners besmetted hevt Botswana de darde-höygste besmettingsgråd.
- ↑ Africaportal.org. "Consolidating Democratic Governance in Southern Africa: Botswana". Maundeni, Zibani. Mpabanga, Dorothy. Mfundisi, Adam. Skreaven up 1 january 2007, bekeaken up 28 mei 2020.
- ↑ (Archiveerd) generalknowledgefacts.com. "Bechuanaland was the former name of Botswana". Bekeaken up 20 february 2018. Archiveerd up 23. määrt 2015
- ↑ (Archiveerd) Transparency International. "overview of CPI indices". Bekeaken up den 8. january 2018.
- ↑ BBC News Africa. "Election for Africa's oldest democracy". news.bbc.co.uk. Bekeaken up den 13. january 2019
- ↑ Tradingeconomics.com. "Botswana GDP per capita PPP." Bekeaken up den 31. määrt 2021.]
- ↑ The World Factbook. "Botswana". Central Intelligence Agency (2014). Bekeaken up 16 april 2014.
- ↑ Gross national income (GNI) – Nations Online Project Nationsonline.org. Bekeaken up 27 October 2016.]
- ↑ (Archiveerden PDF) "The Gap Report". UN AIDS, Geneve (2014) Bekeaken up 21 juni 2016.