Back Аҩӡыбжьара Abkhazian Mesopotamië Afrikaans Mesopotamien ALS መስጴጦምያ Amharic Mesopotamia AN بلاد الرافدين Arabic ܒܝܬ ܢܗܪܝܢ ARC منطقة بين النهرين ARZ মেচ'পটেমিয়া Assamese Mesopotamia AST
Mesopotamië (uut oldgreeksk Μεσοποταμία Mesopotamíā, 'mang de rivyren') of Tweyströymenland (arameesk ܒܝܬ ܢܗܪܝܢ Beth Nahrin, arabisk بلاد مابين النهرين Bilad ma bayn Al-Nahrayn of بِلَاد ٱلرَّافِدَيْن Bilad ar-Rafidayn) is ne historiske streake in Westazie, tüsken de rivyren Tigris un Eufraat. Et gebeed beslöög under meyr Irak, Iran, Kuweit, Syrie un Türkye.
De sumeriers un akkadiers (med de assyriers un babyloniers der by) woanden in Mesopotamie vöär et gröätste deyl van de bekende geskedenisse (vanaf 3100 vK), töt den val van Babylon in 539 vK, do as et inenöämen wör döär et Achemenidenryk. Dårnå veröäveren et Aleksander den Grouten in 332 vK un do as den uut de tyd was güng et up et greekske Selucidenryk.
In Mesopotamie wörden de grötste untdekkingen van de Steyntydrevoluty dån, rund 10.000 vK. Volgens heyl wat geleyrden is Mesopotamie de steade wåras en paar van de grötste untdekkingen van de menskelike geskedenisse dån wörden, sou as et uutvinden van et rad, de eyrste grångewassen, et eyrste handskrivt, wiskunde, stearenkunde un landbouw. Et wördt wal es de wege van eyne van de wearlds vrogste beskavingen enöömd.
Rund 150 vK völ Mesopotamie under et Partiaanske Ryk. Et wör et slagveld tüsken de Romeinen un Partianen. De Romeinen wüsten uutendelik et westelike deyl in to neamen. In 226 nK wörden de oustelike deylen inelyvd by et Persiske Ryk. De upsplitting in en romeinsk un persisk deyl duurden töt de 7. eywe, do as de Moslims et innöämen. Tüsken et eyrste un darde jårhunderd warren der en paar ny-assyriske un kristelike mesopotamiske ståten, sou as Adiabene, Osroene un Hatra.