Back Uddel Afrikaans Uddel CEB Uddel English یودل (هلند) Persian Uddel French Uddel Frisian Uddel Dutch Uddel Polish Уддел Ukrainian ادل Urdu
Uddel is een daarp in de Nederlaanse previnsie Gelderlaand leit. 't Daarp leit midden op de Veluwe, in de gemeente Apeldoorne. Uddel leit in 't noordwessen van de stad Apeldoorne en net onder Elspeet. 't Daarp en de drekte umgeving han in 2004 ongeveer 4.030 inwoeners. De eerste vermelding van Uddel stamp uut 792, as 't daarp Uttiloch en laoter as Utteld waor uuteindlijk de naam Uddel uut voortkwam.
't Daarp leit an de N310, de weg van de N302, via Elspeet naor Nunspeet. In 't zuudwesten van Uddel leit 't historische Uddelermeer dat in de iestied is ontstaon, en is werschienlijk beter bekend bie 't pebliek as 't daarpjen zelf. Daornaost he-j ok nog De Hunenschans, een verdedigingswaark uut de klassieke oudheid.
Uddel is van oudsher een daarp waor 't geleuf een belangrieke rolle speult. 't Is ok een daarp waor vrogger, en noen nog, veule eboerd wörden. Veul mesen hen lange tied der inkomsen ehad deur te warken in de naobie-elegen Kroondomeinen.
De Biebelse teks de verleuren jonge is ok ummezet in 't Uddels deur A. Aarsen, disse teks ku-j bekieken op de webstee van 't Meertens Instituut.
