Burgh

Burgh (same ord som 'borg') var tidlegare ei nemning på ein britisk by eller sjølvstyrande område. Nemninga «burgh» blei brukt i Skottland og Nord-England, medan resten av England brukte «borough». Opphavleg viste omgrepet til ein by med festning, og blei opphavleg skapt som kongelege burghar av kong David på 1100-talet. Dei blei brukte som valkrinsar i moderne tid, fram til lokalstyret blei reformert i England og Wales i 1974 og i Skottland i 1975.