Bybanen i Bergen

Nøyaktigheit: Det er usemje om den faglege presisjonen på denne artikkelen. Han kan innehalde faktafeil. Sjå diskusjon for detaljar.

Bybanen i Bergen Bybanen
Transporttype	Bybane
Stad	Bergen i Noreg
Opna	22. juni 2010
Opna av	Sonja av Noreg
Drift
Eigar	Hordaland fylkeskommune gjennom Bybanen AS
Operatør	Fjord1 Partner på vegner av Skyss
Sporlengde	20,4 km
Sporvidde	1 435 mm
Elektrifisering	køyreleidning 750 volt
Linjer	1
Stasjonar	20
Passasjertal	31 000 dagleg
Vognmateriell
Vognar	12
Lengd	32,2 m
Breidde	2,65 m
Høgd	3,5 m
Vekt	40 tonn
Høgste fart	80 km/t
Høgste fart i drift	70 km/t
Passasjerar	212

Bybanen i Bergen (Bybanen) er ein dobbeltspora, elektrisk driven sporveg for persontrafikk i Bergen, bygd etter bybanestandard. Førebels har bybanen berre ei line, men det ligg føre planar om å bygge ut eit vidtfemnande linenett etter kvart. Det er offisielt vedteke at namnet på dette kollektivsystemet skal vere Bybanen i Bergen.

Vedtaket om bygging av ei bybaneline frå sentrum mot Nesttun og deretter vidare til Bergen lufthamn Flesland over Sandsli og Kokstad vart gjort i 2000. Bygginga av fyrste byggesteget, strekninga mellom sentrum og Nesttun, tok til i januar 2008, og banen vart høgtideleg opna av dronning Sonja for ordinær trafikk 22. juni 2010. Andre byggesteget, frå Nesttun til Lagunen, opna 21. juni 2013. Tredje byggesteget, frå Lagunen til Bergen lufhamn Flesland opna fram til Birkelandsskiftet 15. august 2016, og fram til Flesland 22. april 2017. Bybanen fekk 5. oktober 2011 prisen som Worldwide Project of the Year av Light Rail Transit Association i London, Storbritannia og i 2012 Vakre vegers pris.