Christiania Glasmagasin | |||
![]() Christiania Glasmagasin i 2009. Foto: Kjetil Ree | |||
Org.form | Aksjeselskap | ||
---|---|---|---|
Bransje | Dekkjetøy | ||
Skipa | 1739 | ||
Hovudkontor | Oslo | ||
Land | Noreg | ||
Nettstad | https://www.cg.no/ (bokmål) |
Christiania Glasmagasin er ei norsk butikkverksemd som går tilbake til 1739.
Dette året blei Det Kongelige Norske Compagni skipa. Denne verksemda gjekk konkurs og fekk nye eigarar i 1750. Ho tok til å spesialisera seg på glasvarer frå Biri, Hurdal og Hadeland. I 1757 byrja verksemda detaljhandel i ei bu på det seinare Jernbanetorget i Oslo. Då jernbanen skulle byggjast ut i 1862 flytta utsalet til Stortorget.[1][2] Verksemda leiga lokale som tidlegare hadde husa postkontor, men kjøpte garden nokre år seinare og endra då på fasaden.[2] Dette bygget frå 1778 blei rive, og i 1899 blei dagens Glasmagasinet-bygning reist ved arkitekt Harald Olsen.[3]
I 2014 kunngjorde verksemda at ho kom til å flytta ut frå bygningen ved Stortorget.[4] I staden driv ho fleire butikkar i heile Noreg, og netthandel.[5]