Duke Studioalbum av Genesis | ||
Språk | engelsk | |
Utgjeve | 24. mars 1980 | |
Innspelt | November og desember 1979 | |
Studio | Polar i Stockholm i Sverige | |
Sjanger | ||
Lengd | 55:06 | |
Selskap | Charisma | |
Produsent | ||
Genesis-kronologi | ||
---|---|---|
...And Then There Were Three... (1978) |
Duke | Abacab (1981)
|
Singlar frå Duke | ||
|
Duke er det tiande studioalbumet til det engelske rockebandet Genesis, gjeve ut i mars 1980 på Charisma Records. Albumet kom etter ein rolegare periode for bandet tidleg i 1979. Phil Collins flytta til Vancouver i Canada, i eit forsøk på å redde det første ekteskapet sitt, medan Tony Banks og Mike Rutherford spelte inn soloalbum. Collins kom attende til Storbritannia då ekteskapet hans var over og skreiv mykje musikk. Noko av dette vart nytta på Duke og noko vart sidan omarbeidd til det første soloalbumet hans, Face Value. Duke bestod av ei blanding av songar skrivne av bandmedlemmane kvar for seg og spor som utvikla seg frå jammar på sommaren 1979, medan innspelinga fann stad på slutten av året. Pausen gav bandet ny giv og dei meinte albumet var lett å arbeide på.
Duke fekk positive meldingar i media, som meinte albumet klarte å lage ei bru mellom den progressiv rock-prega fortida deira, via eksperimentelle stykke som den ti minuttar lange avslutninga «Duke's Travels»/«Duke's End»-suiten, og dei meir poprock-aktige, kommersielle songane, som hitsinglane «Turn It On Again», «Duchess» og «Misunderstanding». Det var det første albumet deira som gjekk til topps på albumlista i Storbritania, og det har selt til platinaplate i både Storbritannia og USA.