Quadrophenia Filmmusikkalbum av The Who | ||
Språk | engelsk | |
Utgjeve | 5. oktober 1979 | |
Innspelt | 1961–1979 | |
Sjanger | Rock, rhythm and blues | |
Lengd | 77:18 | |
Selskap | Polydor | |
The Who-kronologi | ||
---|---|---|
The Kids Are Alright (1979) |
Quadrophenia | Face Dances (1981)
|
Singlar frå Quadrophenia | ||
|
Meldingar | |
---|---|
Karakter | |
Kjelde | Karakter |
Christgau's Record Guide | B[1] |
Quadrophenia er eit filmmusikkalbum for filmen Quadrophenia frå 1979, som er basert på rockeoperaen Quadrophenia frå 1973 av The Who.[2] Det vart først gjeve ut på Polydor Records i 1979. Albumet var dedisert til Peter Meaden, ein markant Mod og den første manageren til The Who, som døydde året før albumet kom ut.
Albumet inneheld ti av dei sytten spora frå den originale rockeoperaen Quadrophenia. Desse er forskjellige miksar enn dei som er på albumet frå 1973, sidan dei vart miksa på ny i 1979 av John Entwistle. Den mest markante skilnaden er på sporet «The Real Me» (nytta som tittelspor for filmen) som har eit anna basspor, meir markant vokal og ein meir endeleg slutt.[3] Dei fleste spora er korta ned noko. Albumet inneheld òg tre spor av The Who som ikkje kom ut på albumet frå 1973: «Four Faces», «Get Out and Stay Out» og «Joker James». Sistnemnde var dei to første songane Kenney Jones spelte på med The Who etter å ha erstatta den avdøde Keith Moon.