Folque Studioalbum av Folque | ||
Utgjeve | 1974 | |
Sjanger | Folkrock | |
Lengd | 37:08 | |
Selskap | Philips Records | |
Produsent | Øystein Sunde | |
Folque-kronologi | ||
---|---|---|
Folque | Kjempene på Dovrefjell (1975)
|
Folque er debutalbumet til den norske folkemusikkgruppa Folque, utgjeve i 1974. Albumet vart spelt inn i Rosenborg Studios frå 21. til 24. oktober.[1] Albumet er produsert av Øystein Sunde. Gruppa spelte først inn ein demo i kjellaren til Øystein Sunde, deretter tok Sunde tapen med seg til Phonogram, og plata vart gjeve ut same året.[2]
Debutalbumet til Folque viser overgangen frå visegruppe til folkrockband. Sjølv om det var el-gitar på eit par spor (Jørn Jensen og Øystein Sunde), og gruppa fekk hjelp i studio av trommeslagar Thor Andreassen, var det framleis eit stykke fram. Nokre av låtane er henta frå Steeleye Span og Pentangle, men gruppa var på veg mot eit eige repertoar bygd på norske balladar og felelåtar. Alle låtane var tradisjonelle folkeviser som var arrangerte av bandet.
«Reinlender» med Trond Villa som solist og med Trond Øverland sitt bassriff vart ein av dei mest kjende låtane til gruppa og var på repertoaret gjennom hele levetida til Folque.
Albumet vart nymastra gjeve ut på ny på Pan Records i 1993.