GameSpot | |||
![]() | |||
Type nettstad | Dotterselskap | ||
---|---|---|---|
Tilgjengeleg på | Engelsk | ||
Grunnlagd | mai 1996Mai 1996 | ||
Eigar | CNET Networks | ||
Nettstad | www | ||
Kommersielt | Ja |
GameSpot er ein dataspelnettstad med nyhende, kritikk, nedlastningar og anna informasjon om dataspel. Nettstaden blei starta den 1. mai 1996 av Pete Deemer, Vince Broady og Jon Epstein. Den blei kjøpt opp av ZDNet, eit selskap som seinare blei kjøpt opp av CNET Networks, den noverande eigaren av GameSpot.
I tillegg til innhaldet, som blir produsert av GameSpot, lèt nettstaden også brukarane skriva sine eigne spelmeldingar, bloggar og skriva på forumet.
GameSpot skriv om spel frå Nintendo (Wii U og Nintendo 3DS), Microsoft (Xbox 360, Xbox One og PC-spel) og Sony (PlayStation 3 og PlayStation 4). Nettstaden byrja å skriva kritikkar for iPhone, Android og andre mobilspel i september 2009. I tillegg har GameSpot tidlegare dekka spelkonsollar som Nintendo 64, Nintendo GameCube, Game Boy Color,Game Boy Advance, Xbox, PlayStation, PlayStation 2, Sega Saturn, Dreamcast, Neo Geo Pocket Color og N-Gage.