Back Game Boy Color AN غيم بوي كولر Arabic جيم بوى كولر ARZ Game Boy Color AST Game Boy Color Azerbaijani Game Boy Color Catalan گەیم بۆی کەڵەر CKB Game Boy Color Czech Game Boy Color Danish Game Boy#Game Boy Color German
Game Boy Color (og kjend som GBC) er ein handhalden spelkonsoll laga av Nintendo og er etterfylgjaren til Game Boy. Han har fargeskjerm og kan vise opp til 56 forskjellige fargar samstundes, frå ein palett på 32 768 fargar. Game Boy Color kan også fargeleggje spel som var utvikla for den opphavlege Game Boy-konsollen.
Game Boy Color har ein dobbelt så rask prosessor og dobbelt så mykje minne som dei tidlegare utgåvene, i tillegg til ein infraraud kommunikasjonsport. Ein av dei mest ettertrakta eigenskapane er bakoverkompabiliteten, det at ein kan nytte Game Boy-kassettar laga for eldre utgåver for å spele eldre spel. Dette vart ein hovudeigenskap til Game Boy-serien, som ved kvar ny-lansering fekk eit større spelbibliotek enn nokon av konkurrentane.