George Harrison

George Harrison
Fødd	25. februar 1943 Liverpool i England
Fødestad	Liverpool, 12 Arnold Grove
Død	29. november 2001 (58 år) Los Angeles i USA
Dødsstad	Los Angeles
Alias	L’Angelo Misterioso Hari Georgeson Nelson/Spike Wilbury George Harrysong Carl Harrison George O'Hara-Smith
Opphav	Storbritannia
Aktiv	1958–2001
Sjanger	Rock, pop
Instrument	Gitar, ukulele, sitar, synthesizer, piano, vokal, mandolin, orgel, trommer, sarod
Kjende instrument	Fender Stratocaster Rosewood Telecaster Gibson Les Paul Gibson SG Epiphone Casino Rickenbacker 360/12
Tilknytte artistar	The Beatles, Traveling Wilburys, The Quarrymen, Plastic Ono Band
Plateselskap	Parlophone, Capitol, Apple Vee-Jay, EMI, Dark Horse Records
Verka som	Musikar, låtskrivar, produsent
Mor	Louise Anne Harrison
Far	Harold Hargreaves Harrison
Gift med	Pattie Boyd, Olivia Harrison
Sambuar med	Maureen Starkey Tigrett
Born	Dhani Harrison
Prisar	Billboard Music Awards, Rock and Roll Hall of Fame, stjerne på Hollywood Walk of Fame, medlem av Den britiske imperieordenen, Oscar for beste originalmusikk

George Harrison (25. februar 1943–29. november 2001) var ein engelsk musikar og filmprodusent, best kjend som medlem i den britiske gruppa The Beatles.

Harrison var sologitarist i The Beatles og i løpet av den ekstremt suksessrike karrieren deira var det John Lennon og Paul McCartney som skreiv og song førstestemme på dei fleste songane, men Harrison skreiv og/eller song førstestemmen på eit fåtal songar på kvart einaste album. Av desse songane finn ein «If I Needed Someone», «Taxman», «Within You Without You», «While My Guitar Gently Weeps», «Here Comes the Sun» og «Something».

I løpet av perioden i The Beatles vart Harrison òg interessert i både indisk musikk og hinduisme og medverka sterkt til ein blømande interesse for indisk kultur i Vesten, men først og fremst skulle begge delar få viktige roller i Harrison sitt eige liv.

Harrison hadde ein ujamn, men tidvis særs suksessrik solokarriere etter at The Beatles vart oppløyst og fekk ei rekkje listetoppar med songar som «My Sweet Lord» (1970), «Give Me Love (Give Me Peace on Earth)» (1973), «All Those Years Ago» (1981) og «Got My Mind Set on You» (1987). Han organiserte òg den aller første gigantiske rock-veldigheitskonserten, The Concert for Bangladesh, som vart avvikla den 1. august 1971 og som bana veg for liknande seinare arrangement, som Live Aid. Harrison vart æra som soloartist med ein plass i Rock and Roll Hall of Fame i 2004.

Han vart, saman med dei andre medlemmene i The Beatles, tildelt MBE, Member of The Most Excellent Order of the British Empire, av dronning Elizabeth II i 1965.

Harrison medverka òg til ein del filmprosjekt som filmprodusent og danna produksjonsselskapet Handmade Films i 1979. Av filmar på dette selskapet finn ein Life of Brian, Time Bandits, Withnail og jeg og Mona Lisa. Harrison hadde òg ei cameo-rolle i filmen The Rutles, som var ein uhøgtidleg parodi på The Beatles.