It Won't Be Wrong singel av The Byrds frå albumet Turn! Turn! Turn! | ||
B-side | ||
---|---|---|
Utgjeve | 18. februar 1966 | |
Innspelt | September 1965, Columbia Studios, Hollywood, CA | |
Sjanger | Folkrock, rock | |
Lengd | 1:58 | |
Selskap | CBS | |
Låtskrivar(ar) | Jim McGuinn, Harvey Gerst | |
Produsent | Terry Melcher | |
The Byrds-kronologi | ||
«Set You Free This Time» (1966) |
It Won't Be Wrong | «Eight Miles High» (1966)
|
«It Won't Be Wrong» er ein song av det amerikanske folkrock bandet The Byrds, som finst på det andre albumet deira, Turn! Turn! Turn! frå 1965.[1] Han vart skriven i 1964 av bandmedlem Jim McGuinn og venen hans Harvey Gerst.[2][3] Songen vart opphavleg gjevne ut med den alternative tittelen «Don't Be Long» på B-sida til ein singel The Byrds gav ut på Elektra Records i oktober 1964 under namnet The Beefeaters.[4][5] Då songen vart spelt inn på ny i september 1965, hadde dei endra tittelen til «It Won't Be Wrong».[5][6]
Teksten er ei forholdsvis enkel bøn om at ein kjæraste må bite på den romantiske flørtinga til songaren.[7] Musikalsk peikar gitarriffet etter kvart vers framover mot raga-eksperimenteringa som ein finn i dei seinare songane til bandet, som «Eight Miles High» og «Why», som begge vart spelt inn om lag tre månader etter «It Won't Be Wrong».[6][8]
Songen vart etter kvart vald ut som B-side for singelen «Set You Free This Time» i januar 1966.[1] Singelen selde derimot dårleg, og Columbia Records byrja å reklamere for B-sida i staden, slik at «It Won't Be Wrong» klartra til 63. plass på den amerikanske singellista.[9][10] Noko liknande skjedde i Storbritannia der plateselskapet etter ein positiv omtale av B-sida, gav ut heile singelen på ny med «It Won't Be Wrong» som A-side.[1][1][11] Dette medførte derimot til forvirring i radiokanalane om kva song dei skulle spele, og dette kan ha vore medverkande til at singelen ikkje gjekk inn på listene i Storbritannia.[11]