Karasu | |||
elv | |||
Land | ![]() | ||
---|---|---|---|
![]() Karasu ved Eufrat 40°12′59″N 41°29′29″E / 40.216472222222°N 41.491305555556°E | |||
Wikimedia Commons: Karasu River (Euphrates) |
Karasu (tyrkisk for 'svart vatn') eller Vest-Eufrat er ei lang elv aust i Tyrkia, ei av to kjeldeelvar til Eufrat. Ho er kring 450 km lang. I antikken vart elva kalla Telebóas (Τηλεβόας) av grekarane.
Elva spring ut i Dumlu Dağ i provinsen Erzurum,[1] og drenerer slettene kring byen Erzurum. Ho møter Serçeme og renn så vestovr gjennom provinsen Erzincan, snur sørover, så vestover og mottar Tuzla Su. Mellom Erzincan og Kemah mottar ho Gönye-elva og renn gjennom ei kløft.[1] Nær byen Kemaliye mottar ho den siste sideelva si, Çaltısuyu, før ho svingar brått søraustover og renn gjennom ei djup kløft[1] i Kebansjøen ved Eufrat. Før bygginga av Kebandemninga mottok Karasu Murat Su 10 km ovanom demninga og 13 km ovanom byen Keban.[2]
Det ligg eit gammalt hittitisk relieff ved Karasu. Det heilage relieffet vart laga i skrentane nær landsbyen Sűpűrgűc, like før elva renn saman med Murat Su. Relieffet syner ein mann som held ein kronhjort føre ein soldisk. Geviret til hjorten har 16 taggar, og er noko ein ikkje ser nokon annan stad i hittitisk kunst.[3][4]