Kiss Them for Me Singel av Siouxsie and the Banshees frå albumet Superstition | ||
B-side |
«Staring Back», «Return» | |
---|---|---|
Utgjeve | 13. mai 1991 | |
Innspelt | 1991 | |
Sjanger | Dance-pop | |
Lengd | 4:37 | |
Selskap | ||
Låtskrivar(ar) | Susan Ballion, Peter Edward Clarke, Martin McCarrick og Steven Severin | |
Produsent | Stephen Hague | |
Siouxsie and the Banshees-kronologi | ||
The Last Beat of My Heart (1988) |
Kiss Them for Me | Shadowtime (1991) |
Siouxsie Sioux-kronologi | ||
«Fury Eyes» The Creatures (1990) |
Kiss Them for Me | «Shadowtime» Siouxsie and the banshees (1991)
|
«Kiss Them for Me» er ein song skriven og spelt inn av det engelske rockebandet Siouxsie and the Banshees. Han vart produsert av Stephen Hague og kom ut i 1991 som den første singelen frå det tiande studioalbumet deira, Superstition.
Singelen fekk god omtale då han kom ut og vart den mest suksessrike singelen deira i USA med ein meir streit popstil enn tidlegare singlar av bandet. Den kryptiske teksten var ein ode til skodespelaren og sexsymbolet Jayne Mansfield.[1]
Singelen nådde 23. plassen på Billboard Hot 100-lista.[2] Det vart òg den andre singelen deira som nådde toppen av Modern Rock Tracks-lista i USA og det vart den første Banshess-songen som nådde topp 10 på den amerikanske US Hot Dance/Disco-lista, med ein åttandeplass der. Songen vart òg mykje vist på MTV. I Storbritannia nådde «Kiss Them for Me» 32. plassen på UK Singles Chart og vart den 16. topp 40-singelen deira der.[3]
«Snapper Mix»-utgåva har ei sampling av Jayne Mansfield frå filmen Will Success Spoil Rock Hunter?, medan «Kathak Mix», miksa av produsenten Youth, har talte samplingar frå Robert Anton Wilson i starten.
I Storbritannia vart det gjeve ut to forskjellige 12"-plater. Den første inneheld «Snapper Mix» og B-sidene «Staring Back» og «Return», som ikkje var med på albumet. Den andre inneheld tre forskjellige versjonar av «Kiss Them for Me» av Youth: «Kathak Mix» på A-sida og «Loveappella Mix» og «Ambient Mix» på B-sida.