Back Linda Ronstadt Afrikaans ليندا رونستادت Arabic ليندا رونستادت ARZ Linda Ronstadt AST لیندا رانستد AZB Линда Ронстад Bulgarian Linda Ronstadt Breton Linda Ronstadt Catalan Linda Ronstadt Czech Linda Ronstadt Danish

Linda Ronstadt

Linda Ronstadt

Ronstadt i 1976
Fødd15. juli 1946 (78 år)
FødestadTucson i Arizona i USA
FødenamnLinda Maria Ronstadt[1]
OpphavUSA
Aktiv1967–2011
Sjanger
InstrumentVokal, gitar
Tilknytte artistarThe Stone Poneys, Eagles, Joseph Byrd, Aaron Neville, Dolly Parton, Neil Young, Swampwater, Emmylou Harris, Nelson Riddle, Jackson Browne, Little Feat
PlateselskapCapitol, Asylum, Elektra, Verve, Rhino
Verka somSongar, låtskrivar, musikar, plateprodusent, skodespelar
MorRuth Mary Ronstadt
FarGilbert Ronstadt
PrisarNational Medal of Arts, Primetime Emmy Award for Individual Performance in a Variety or Music Program, Grammy Lifetime Achievement Award, Latin Grammy Lifetime Achievement Award, Grammy Award for Best Country Collaboration with Vocals, Grammy Award for Best Tropical Latin Album, æresdoktor ved Berklee College of Music, Kennedy Center Honors, Rock and Roll Hall of Fame

Linda Maria Ronstadt (fødd 15. juli 1946) er ein pensjonert USA-amerikansk songar innan ei rekkje sjangrar, som rock, country, lett opera og latinamerikansk musikk. Ho har vunne ti Grammyprisar,[2] tre American Music Awards, to Academy of Country Music-prisar, ein Emmypris og ein ALMA Award. Mange av albuma hennar har selt til minst gullplate i USA og internasjonalt. Ho har òg blitt nominert til ein Tonypris og ein Golden Globe. Ho har vunne Latin Grammy-æresprisen av The Latin Recording Academy i 2011 og fekk Grammy-æresprisen av The Recording Academy i 2016. Ho vart innlemma i Rock and Roll Hall of Fame i april 2014.[3] 28. juli 2014 fekk ho nasjonalmedaljen for kunst og humaniora i USA.[4] I 2019 fekk ho i lag med Dolly Parton og Emmylou Harris ei stjerne på Hollywood Walk of Fame for arbeidet deira som ein trio.[5][6] Ronstadt var blant fem personar som fekk Kennedy Center Honors i 2019.

Ronstadt har gjeve ut 24 studioalbum og 15 samlealbum. Ho har hatt 38 singlar inne på US Billboard Hot 100-lista i USA. 21 av desse singlane nådde topp 40, ti av dei har nådd topp 10 og ein har nådd toppen av lista («You're No Good»). Ho hadde ikkje same suksessen i Storbritannia, og berre singelen «Blue Bayou» nådde topp 40 på den britiske singellista.[7] Duetten til Ronstadt med Aaron Neville, «Don't Know Much», nådde andreplassen på den amerikanske singellista i desember 1989.[8] Ho har hatt 36 album på lista, ti topp 10-album og tre album på toppen av den amerikanske Billboard Pop Album-lista.

Ronstadt har samarbeidd med artistar innan ei rekkje sjangrar, som Bette Midler, Billy Eckstine,[9] Frank Zappa, Carla Bley (Escalator Over the Hill), Rosemary Clooney, Flaco Jiménez, Philip Glass, Warren Zevon, Emmylou Harris, Gram Parsons, Dolly Parton, Neil Young, Paul Simon, Earl Scruggs, Johnny Cash og Nelson Riddle. Ho har sunge på over 120 album og selt meir enn 100 millionar plater, som gjer ho til ein av dei bestseljande artistane nokon gong.[10][11] Christopher Loudon i Jazz Times skreiv i 2004 at Ronstadt er «velsigna med den mest utrulege røysta i hennar generasjon.»[12]

Ronstadt trappa ned etter 2000 då ho meinte at røysta hennar vart dårlegare,[13] og gav ut det siste albumet sitt i 2004 og heldt den siste konserten sin i 2009. Ho annonserte at ho pensjonerte seg i 2011 og avslørte kort tid etter at ho ikkje lenger kunne syngje på grunn av ein degenerativ tilstand som seinare viste seg å vere progressiv supranukleær parese.[13] Sidan den gongen har Ronstadt opptredd offentleg fleire gonger, og har hatt fleire turnéar der ho heldt offentlege talar i 2010-åra. Ho publiserte sjølvbiografien sin, Simple Dreams: A Musical Memoir,[14] i september 2013. Ein dokumentar basert på memoara hennar, Linda Ronstadt: The Sound of My Voice, kom ut i 2019.

  1. ↑ Erlewine, Stephen Thomas. «Linda Ronstadt > Biography». AllMusic. Henta 23. november 2020. 
  2. ↑ «Linda Ronstadt». Grammys.com. Arkivert frå originalen 2. januar 2020. Henta 23. november 2020. 
  3. ↑ «2014 Induction Ceremony The Rock and Roll Hall of Fame and Museum». Rock and Roll Hall of Fame. 16. oktober 2013. Arkivert frå originalen 17. oktober 2013. Henta 16. oktober 2013. 
  4. ↑ «President Obama Honors Linda Ronstadt, Jeffrey Katzenberg, Others in Art and Humanities Ceremony». Daily News (New York). Associated Press. 28. juli 2014. Arkivert frå originalen 25. november 2015. Henta 23. november 2015. 
  5. ↑ Hermanson, Wendy (26. juni 2018). «Faith Hill, Dolly Parton, Emmylou Harris, Linda Ronstadt Getting Stars on Hollywood Walk of Fame». Taste of Country. Arkivert frå originalen 27. juni 2018. Henta 9. oktober 2020. 
  6. ↑ «Powerful Country Women Getting Stars on Hollywood Walk of Fame». Taste of Country. Arkivert frå originalen 4. september 2018. Henta 24. august 2018. 
  7. ↑ «Linda Ronstadt». Official Charts Company. Arkivert frå originalen 8. mai 2019. Henta 25. september 2009. 
  8. ↑ «Don't Know Much». Official Charts Company. Arkivert frå originalen 3. juni 2015. Henta 25. september 2009. 
  9. ↑ «Disc 2, October 1969: Featuring Linda Ronstadt, Joe Cocker, Billy Eckstine, Mort Sahl, and Sid Caesar, God Bless the Child Linda Ronstadt and Billy Eckstine Duet». Playboy After Dark DVD Collection. Arkivert frå originalen 21. august 2006. Henta 13. desember 2012. 
  10. ↑ Partridge, Tony (12. september 2006). «Linda Ronstadt Guest Appearances and Unique Recordings» (PDF). Arkivert frå originalen (PDF) 9. mai 2008. Henta 24. november 2020. http://lyricswww.ronstadt-linda.com/guestapp.doc Arkivert 24. november 2015 ved Wayback Machine.
  11. ↑ Ward, Bruce (27. desember 2013). «Musical memoirs hit some high notes». Ottawa Citizen. Arkivert frå originalen 21. februar 2014. Henta 14. februar 2014. 
  12. ↑ Loudon, Christopher (December 2004). «Linda Ronstadt: Hummin' to Myself (Verve)». JazzTimes. Arkivert frå originalen 13. april 2007. Henta 24. november 2020. 
  13. ↑ 13,0 13,1 McCarthy, Ellen (3. desember 2019). «Linda Ronstadt never stopped singing». The Washington Post. Arkivert frå originalen 4. desember 2019. Henta 4. desember 2019. 
  14. ↑ Ronstadt, Linda (2013). Simple Dreams: A Musical Memoir. Simon & Schuster. ISBN 978-1-4516-6872-8. OCLC 829743967. 
From Wikipedia, the free encyclopedia · View on Wikipedia

Developed by Tubidy