Liverpool

Liverpool
by
Med klokka frå øvst til venstre: Cavern Club, Three Graces i Pier Head (Liver Building, Cunard Building og Port of Liverpool Building), horisonten i handelsdistriktet til Liverpool, Albert Dock og St George's Hall
Våpenskjold
Kallenamn: The Pool, The World In One City
Konstituerande land	England
Region	Merseyside
Høgd	70 m
Areal	111,84 km²
Folketal	513 441 (2016)
Grunnlagd	1207
Postnummer	L
Retningsnummer	0151
Liverpool 53°24′26″N 2°59′30″W / 53.407222222222°N 2.9916666666667°W / 53.407222222222; -2.9916666666667
Wikimedia Commons: Liverpool

Liverpool (ˈlɪvəpuːl) er ein by vest i England. Byen ligg ikkje så veldig langt frå grensa til Wales, på nordsida av fjorden som vert danna av elva Mersey.

Byen er ein av fem sameinte styresmakter i Merseyside. Desse dannar i praksis eit samanhengande urbant område, med ein folkesetnad på ca. 1,36 millionar, der Liverpool har ca. 435 000 (2007). Innbyggjarane blir kalla Liverpudlians eller Scousers. I London vert dei ofte kalla Mickeys eller Mickey Mousers, som er eit Cockney-rimslag (Scouser   Mickey Mouser). Deira eige talemål vert kalla Scouse.

Liverpool er den nest største eksporthamna i Storbritannia. Han har ein god del industri, men er prega av industrinedlegging gjennom 1900-talet. Mellom dei mest kjende folka frå byen er dei som var med i musikkgruppa The Beatles. Liverpool har to store fotballag; Liverpool F.C., med heimebane på Anfield og Everton F.C. med heimebane på Goodison Park. I 2008 var Liverpool europeisk kulturhovudstad, samstundes med Stavanger.