Mexico

Estados Unidos Mexicanos (norsk: Mexico, meksikansk)
Flagg Riksvåpen
Nasjonalsong	«Himno Nacional Mexicano»
Motto	El respeto al derecho ajeno es la paz (Spanish : Respect for the rights of others is peace) also sufragio efectivo – no reelección (Spanish: effective suffrage - no re-election) is widely in use on government documents
Offisielle språk	Spansk
Hovudstad	Mexico by
Styresett President	Forbundsrepublikk Andrés Manuel López Obrador
Flatevidd  – Totalt  – Andel vatn	1 964 375 km² (13.) 2,5 %
Folketal  – Estimert (2017)  – Tettleik	124 574 795 (11.) 63,4 /km² (120.)
Sjølvstende   - Erklært   - Anerkjent	Frå Spania 16. september 1810 27. september 1821
Nasjonaldag	16. september
BNP  – Totalt (2015)  – Per innbyggjar	2 220 000 mill. USD (11.) 19 300 USD (69.)
Valuta	Meksikansk peso
Tidssone	UTC -5 til -7
Telefonkode	+52
Toppnivådomene	.mx

Dei sameinte meksikanske statane eller berre Mexico (spansk Estados Unidos Mexicanos eller México) er eit land som ligg i Nord- og Mellom-Amerika med grenser til USA i nord og Guatemala og Belize i søraust. I sør og vest har landet kystline mot Stillehavet, og i aust mot Mexicobukta og Det karibiske havet. Det er det nordlegaste landet i Latin-Amerika og det folkerikaste spanskspråklege landet i verda.

Landet er ein føderal republikk og har over hundre millionar innbyggjarar. Rundt 20 millionar av dei bur i og rundt hovudstaden Mexico by. Det høgaste fjellet i landet er vulkanen Pico de Orizaba.

I rundt tre tusen år var Mexico heimen til fleire mesoamerikanske sivilisasjonar, slik som olmecane, mayaene og aztekarane. Etter at aztekarane var overvunne i 1521, la spanske conquistadorar landet under seg og grunnla Nye Spania, ein koloni som vara i tre hundre år.

Den katolske presten Miguel Hidalgo erklærte landet sjølvstendig frå Spania i 1810. Dette førte til ein lang krig som til slutt enda med at Mexico blei eit sjølvstendig keisardøme i 1821. Det blei utropt til republikk i 1824.