Montenegro

Republika Crna Gora Република Црна Гора (norsk: Montenegro, montenegrinsk)
Flagg Riksvåpen
Nasjonalsong	«Oj, svijetla majska zoro (Ој, свијетла мајска зоро)»
Motto	Ingen
Offisielle språk	Serbisk
Hovudstad	Podgorica
Styresett President Statsminister	Republikk Jakov Milatović Milojko Spajić
Flatevidd  – Totalt  – Andel vatn	13 812 km² (158.) 1,5 %
Folketal  – Estimert (2017)  – Folketeljing (2003)  – Tettleik	642 550 (164.) 620 145 46,5 /km² (133.)
Sjølvstende	Frå Serbia og Montenegro 3. juni 2006
Nasjonaldag	13. juli
BNP  – Totalt (2006)  – Per innbyggjar	3 443 (—.) 3 800 (—.)
Valuta	Euro
Tidssone	UTC +1
Telefonkode	+382
Toppnivådomene	.me (.yu)2
1 Euro i nokre område. 2 .yu vil vere i bruk til september 2009

Montenegro (montenegrinsk og serbisk Црна Гора, Crna Gora, albansk Mali i Zi) er eit land på Balkan i Aust-Europa. Det grensar til Serbia i nordaust, Kosovo i aust, Albania i søraust, Bosnia-Hercegovina i nordvest og Kroatia i vest og har kyst mot Adriahavet i vest. Hovudstad og største by er Podgorica, medan Cetinje har status som Prijestonica, «det gamle kongelege setet».

Landet var eit serbisk fyrstedøme seint i mellomalderen og fekk sjølvstende frå Det osmanske riket i 1878. Frå 1918 var Montenegro ein del av dei forskjellige utgåvene av Jugoslavia og i statsunion med Serbia og Montenegro etter 2003. I røynda fungerte Serbia og Montenegro som to åtskilde statar på dei fleste område. Ei folkerøysting i landet 21. mai 2006 gjekk inn for oppløysing av samveldet med Serbia, så vidt det var. Montenegro vart åtskilt frå Serbia 3. juni 2006, og vart då ein eigen sjølvstendig stat. Same månad vart landet det 192. medlemslandet i Dei sameinte nasjonane^[1] og det 47. medlemmet i Europarådet.^[2]

1. ↑ Liste over medlemsland i SN
2. ↑ Montenegro i Europarådet