Pyreneane

Pyreneane
Pyrénées (fransk), Pirineos (spansk), Pirineus (katalansk), Pirenèus (oksitansk), Perinés (aragonsk), Pirinioak, Auñamendiak (baskisk)
fjellkjede
Sentrale Pyreneane
Kalla opp etter: Pyrene
Land	Frankrike,  Spania  Andorra
Del av	Alpide belt
Koordinatar	42°40′N 1°00′E / 42.667°N 1.000°E / 42.667; 1.000
Høgaste punkt	Aneto
•  høgd	3 404 moh.
Lengd	491 km
Areal	19 000 km²
Geologi	granitt, gneis, kalkstein
Periode	Paleozoikum, mesozoikum
Pyreneane 42°40′00″N 1°00′00″E / 42.666666666667°N 1°E / 42.666666666667; 1
Topographic map
Wikimedia Commons: Pyrenees

Pyreneane er ei fjellkjede i Sørvest-Europa, og dannar den naturlege grensa mellom Frankrike og Spania. Ho skil Pyrenéhalvøya frå Frankrike, og strekkjer seg om lag 430 km frå Atlanterhavet (Biscayabukta) til Middelhavet (Cap de Creus).

Stort sett dannar hovudryggen den fransk-spanske grensa med Andorra i mellom. Det største unntaket er Val d'Aran, som høyrer til Spania på nordsida av fjellkjeda. Andre mindre orografiske unntak er Cerdanya og den spanske eksklaven Llívia.

Pyreneane er kalla opp etter Pyrene (brann på gresk), som var dotter av Bebryx og som vart valdteken av Herakles. Etter at ho fødde ein slange vart ho skremd og flykta til fjella, og vart her anten brend eller eten av ville dyr. Herodot sette denne legenda på kartet sitt over Oikoumene (verda i følgje grekarane) så tidleg som 450 fvt.