Rapsode (gresk ῥαψῳδός, rhapsōdos; 'ein som syr saman songar' av rhaptein 'sy, tilverka' og oide, 'song, dikt', sjå ode)[1] var ein omreisande forteljar eller skald i Hellas i antikken som framførte, deklamerte og tilrettela framføring av episke diktverk. Rapsodar kunne særleg framføra Iliaden og Odysseen,[2] men også visdoms- og katalogpoesi.
Ein skil gjerne mellom rapsode og aoide, som var ein førhomerisk songar. Ein rekner med at rapsoden framførte ferdige tekstar han hadde lært seg, medan aioden improviserte songar.[2]