Reformasjonen i Noreg var innføringa av reformasjonen i Noreg i 1536-1537, der den norske kyrkja braut med Den katolske kyrkja. Reformasjonen vart innført i Noreg samstundes som landet vart eit lydrike under Danmark. I Noreg fanst det ingen folkelege lutherske rørsler, slik som i Danmark og Sverige. Den protestantiske kongen Christian III av Danmark-Noreg kunne innføra reformasjonen i Danmark etter sigeren sin i den danske tronstriden Grevefeiden, og dermed måtte Noreg følgja etter. Reformasjonen er vanlegvis rekna som slutten på mellomalderen i Noreg.