Regntid

Regntid er ei årstid der størstedelen av nedbøren i eit område fell. Ein finn område med regntid og tørketid i tropiske og subtropiske område. I område med monsun- eller savanneklima finn regntida stad i den varme delen av året, medan middelhavsklima har nedbørsrike vintrar. Nokre stader som er dekte av den intertropiske konvergenssona får ein pause mellom to regntider når dei er under høgtrykkssona mellom dei to konvergenssonene. Tropisk regnskogsområde har ikkje regntid, ettersom nedbøren fell jamnt heile året.

Under regntida blir kvaltiteten på luft og ferskvatn betre, plantar veks mykje og dyr blir meir aktive. Regnet kan også vaska vekk næring og føra vekk jordsmonnet, medan den auka vassmengden kan gje flaum.

Vår	Sommar	Haust	Vinter	Regntid	Tørketid
Årstidene