Ric Sanders | |||
![]() Sanders spelar fele den 14. august 2004 Foto: Brian Marks | |||
Fødd | 8. desember 1952 | ||
---|---|---|---|
Fødestad | Birmingham i Warwickshire | ||
Fødenamn | Richard Sanders | ||
Opphav | Storbritannia | ||
Aktiv | 1972 til i dag | ||
Sjanger | Engelsk folkemusikk Folkrock Jazz Jazzfusion | ||
Instrument | Fiolin violectra elektrisk- og MIDI-fiolin mandolin ukulele | ||
Tilknytte artistar | Fairport Convention Soft Machine John Etheridge Gordon Giltrap The Albion Band | ||
Plateselskap | Varrick/Rounder Records, Woodworm Records, Green Linnet Records, Matty Grooves Records, Rough Trade Records, Talking Elephant Records | ||
Verka som | Musikar, låtskrivar |
Richard 'Ric' Sanders (fødd 8. desember 1952) er ein britisk fiolinist som har spelt i jazzrock, folkrock, elektrisk folk og folkemusikkgrupper, som Soft Machine og Fairport Convention.[1][2]
Sanders starta som profesjonell musikar sommaren 1972 då han turnerte med rockeperkusjonisten Stomu Yamash'ta's Red Buddha Theater. Han spelte seinare med jazzpianistane Johnny Patrick og Michael Garrick. Seint i 1970-åra turnerte han ei kort stund som medlem av jazzrockgruppa Soft Machine og ein liten periode i The Albion Band. I 1981 var han med å starta eit platestudio, Morgreen Studios, som heldt han aktiv i eit par år. I 1984 gjekk han inn i Fairport Convention og spelte inn det første albumet sitt med dei, Gladys' Leap, året etter.[3] Sidan 2002 har han i tillegg som medlem av Fairport og arbeidd med sin eigen trio, Ric Sanders Group, i lag med Vo Fletcher på gitar og Michael Gregory på trommer og perkusjon.