Ry Cooder

Ry Cooder
Cooder i 2009
Fødd	15. mars 1947 (77 år)
Fødestad	Los Angeles i California i USA
Fødenamn	Ryland Peter Cooder
Opphav	Santa Monica, California
Aktiv	Sidan 1967
Sjanger	Americana rootsrock folk blues Tex-Mex country gospel verdsmusikk
Instrument	Gitar bass mandolin bouzouki[1] banjo slidegitar vokal
Tilknytte artistar	Taj Mahal Little Feat Lowell George Captain Beefheart Buena Vista Social Club Ali Farka Toure The Rolling Stones Carla Olson
Plateselskap	Warner Bros. Nonesuch Elektra
Verka som	Musikar låtskrivar filmmusikkomponist plateprodusent
Born	Joachim Cooder
Prisar	Grammy Award, Americana Lifetime Achievement Award for Instrumentalist

Ryland Peter Cooder (fødd 15. mars 1947)^[2] er ein USA-amerikansk musikar, låtskrivar, filmmusikkomponist og plateprodusent. Han spelar mange instrument, men er mest kjend for slidegitarspelet sitt, interessa i tradisjonell musikk frå USA, og samarbeid med tradisjonelle musikarar frå mange land.

Som soloartist har Cooder spelt innan mange sjangrar. Han har spelt i lag med John Lee Hooker, Captain Beefheart, Gordon Lightfoot, Ali Farka Touré, Eric Clapton, The Rolling Stones, Van Morrison, Neil Young, Randy Newman, Linda Ronstadt, David Lindley, The Chieftains, The Doobie Brothers og Carla Olson & the Textones (på plate og film). Han skipa bandet Little Village. Han produserte òg albumet Buena Vista Social Club album (1997), som vart ein hit verda over. Wim Wenders regisserte dokumentarfilmen med same namn (1999), som vart nominert til ein Oscar i 2000.

Cooder vart rangert på åttandeplassen på Rolling Stone si liste frå 2003 over dei 100 beste gitaristane gjennom tidene,^[3] vald ut av David Fricke. Ei liknande liste frå 2010 av Gibson plasserte han på 32. plassen.^[4]

1. ↑ Chinen, Nate (15. november 2015). «Review: Ry Cooder, Ricky Skaggs and the Whites, a Roots-Music Celebration». The New York Times. 
2. ↑ Gillett, Charlie (primary contributor). «Ry Cooder». Encyclopædia Britannica. Henta 24. april 2020. 
3. ↑ «The 100 Greatest Guitarists of All Time». Rolling Stone. 18. september 2003. Henta 24. april 2020. ^{[daud lenkje]}
4. ↑ «Gibson.com Reveals Top 50 Guitarists, Plus Readers Poll Results». Gibson Guitar Corporation. 28. mai 2010. Arkivert frå originalen 1. juni 2010. Henta 24. april 2020.