Tavle

Tavle (norrønt tafla, frå latin tabula) er ei rektangulær flate som kan brukast til å skriva, teikna eller oppbevara ting på.^[1]

Tavler har vore brukt gjennom historia til å hogga eller rissa inn eller skriva ned tekst på. Leirtavler er særleg kjende for kileskrift frå Midtausten, og er kjelde til mykje kunnskap om språk og kultur frå oldtida.^[2][3][4] Annan tekst kunne hoggast inn på steintavler. Ifølgje Bibelen var Dei ti bodorda opphavleg skrivne ned på steintavler.^[5]

Dei gamle grekarane og romarane brukte gjerne tretavler til å skriva brev på. Skriftflata var dekka med voks. Ein skreiv ved å rissa i vokslaget med ein spiss griffel av metall.^[6] Seinare tok ein i bruk skifertavler som ein skreiv på med griffel eller krit.

1. ↑ «tavle» i Nynorskordboka.
2. ↑ Groth, Bente (21. februar 2019). «epigrafikk – midtøsten». Store norske leksikon (på norsk). 
3. ↑ Barstad, Hans M.; Groth, Bente (12. april 2018). «Gilgamesh». Store norske leksikon (på norsk). 
4. ↑ Mæhlum, Lars (18. september 2015). «linear B». Store norske leksikon (på norsk). 
5. ↑ Groth, Bente (29. juni 2017). «De ti bud – jødedom». Store norske leksikon (på norsk). 
6. ↑ «brev – historie». Store norske leksikon (på norsk). 20. februar 2018.