Back The Broads (kalapukan) CEB The Broads Czech Y Broads Welsh The Broads Danish Norfolk Broads German The Broads English Parque nacional The Broads Spanish The Broads Finnish The Broads French The Broads Irish
The Broads er eit nettverk av elvar og innsjøar i Norfolk og Suffolk i England. Den nordlege delen er kjent som Norfolk Broads og den sørlege som Suffolk Broads. Namnet kjem av broad, det lokale ordet for «innsjø». Området fekk i 1988 ein særskild vernestatus som set det på same nivå som nasjonalparkane. Skilnaden frå andre nasjonalparkar er at det er grevskapa som har definert dette og ikkje staten. Broads Authority vart oppretta i 1989 for å ta vare på parken.
Det totale arealet er 303 km², og det meste av dette ligg i Norfolk. Det er meir enn 200 km farbare vassvegar, fordelt på sju elvar og kring 50 innsjøar. Berre tretten innsjøar er opne for allmenn ferdsel, medan tre andre har farbare kanalar. På hausten og vinteren er det restriksjonar på ferdsel i delar av området.
The Broads har gjeve namn til det administrative distriktet Broadland.