Vassveg

Vassveg er ei seglbar elv, innsjø, havstrekning eller kanal som kan brukast til samferdsel.^[1] For at ein vassveg skal reknast som seglbar må han tilfredsstilla fleire kriterium:

• Vassvegen må vera djup nok for djupgangen til fartøya som bruker han.
• Vassvegen må vera brei nok til at fartøya som bruker han kan passera.
• Vassvegen må vera fri for hindringar som fossar og stryk, eller ha ein veg rundt dei (som slusar og båtheisar).
• Strømmen i vassvegen må vera svak nok til at fartøya kan røra seg mot han.

Fartøy som bruker vassvegar varierer frå små prammar til enorme havgåande tankskip og cruiseskip.

1. ↑ «vandvej —», ordnet.dk, henta 10. februar 2023