Vesak (pali vesākha, sanskrit vaiśākha), også kalla Buddha purnima og Buddha-dagen, er ei av dei viktigaste høgtidene i theravada-buddhismen. Vesak feirar Buddha sin fødsel, opplysing og død, eller oppnåinga av nirvana.[1] Desse tre hendingane skal ha funne stad på same dato.[2]
Dagen blir markert på fullmånedagen i mai.[2] Høgtida blir feira i India, Sri Lanka, Kina, Japan, Sør-Korea, Taiwan, Nepal, Tibet, Bangladesh, Bhutan, Indonesia, Singapore, Vietnam, Thailand, Kambodsja, Laos, Malaysia og Myanmar, og andre stader i verda.[3][4]
Vesak blei anerkjend som ein internasjonal dag av generalforsamlinga i SN i 1999.[2]