Walk on the Wild Side

«Walk on the Wild Side» er ein song av Lou Reed frå det andre soloalbumet hans Transformer frå 1972. Han vart produsert av David Bowie i lag med Mick Ronson. Songen vart mykje spelt på radio, trass i at han rører tabutema som transseksualitet, narkotika, mannleg prostitusjon og oralsex, og at uttrykket «colored» (farga) syner til afroamerikanarar. I USA gav RCA ut ein forkorta versjon av songen som singel, der referansen til oralsex var fjerna.

Teksten om fleire personar og reisa deira gjennom New York City, og referer til fleire «superstjerner» frå Andy Warhol sitt New York-studio, The Factory, nemleg Holly Woodlawn, Candy Darling, Joe Dallesandro, Jackie Curtis og Joe Campbell (omtalt med kallenamnet «Sugar Plum Fairy»). Candy Darling var òg tema i ein tidlegare song av Reed for The Velvet Underground, «Candy Says».

Saksofonsoloen i avslutninga er spelt av Ronnie Ross, som tidlegare hadde lært David Bowie å spele saksofon.

Korvokalen vert sungen av Thunderthighs, ei jentegruppe som bestod av Dari Lallou, Karen Friedman, Jacki Campbell og Casey Synge.

Songen er òg kjend for den doble basslinja spelt av Herbie Flowers på kontrabass og overdubba med bandlaus bass. I eit intervju på BBC Radio 4 (Playing Second Fiddle, frå juli 2005) hevda Herbie Flowers at årsaka til at han kom opp med den doble basslinja var at som studiomusikar ville han få dobbelt betalt for å spele to instrument på same spor.

I dokumentaren Classic Albums: Lou Reed: Transformer i 2001, seier Reed at det var romanen med same namn av Nelson Algren frå 1956, som var utgangspunktet for songen.

1. ↑ Fleischmann, Mark and Ira Robbins. «Lou Reed». Trouser Press. Henta 29. mars 2022. 
2. ↑ Pepinster, Catherine (15. august 1998). «Gold Dust: Glamrock's top 10 singles». The Independent. Henta 9. februar 2021.