Back ويش يو وير هير Arabic Wish You Were Here Azerbaijani Wish You Were Here Byelorussian Wish You Were Here Bulgarian উইশ ইউ ওয়্যার হেয়ার (পিংক ফ্লয়েডের অ্যালবাম) Bengali/Bangla Wish You Were Here (album Pink Floyda) BS Wish You Were Here Catalan Wish You Were Here Czech Wish You Were Here Danish Wish You Were Here (Album) German
| Wish You Were Here Studioalbum av Pink Floyd | ||
| Språk | engelsk | |
| Utgjeve | 12. september 1975 | |
| Innspelt | Januar til juli 1975 | |
| Studio | Abbey Road Studios i London | |
| Sjanger | ||
| Lengd | 44:36 | |
| Selskap | ||
| Produsent | Pink Floyd | |
| Pink Floyd-kronologi | ||
|---|---|---|
| The Dark Side of the Moon (1973) |
Wish You Were Here | Animals (1977)
|
| Singlar frå Wish You Were Here | ||
|
||
Wish You Were Here er det niande studioalbumet til det engelske rockebandet Pink Floyd. Det vart gjeve ut 12. september 1975 på Harvest Records og Columbia Records, den første utgjevinga deira på sistnemnde. Wish You Were Here var basert på materiale Pink Floyd komponerte medan dei var på turné i Europa og vart spelt inn spreidd utover 1975 i Abbey Road Studios i London.
Albumet dekkjer ei rekkje tema, som kritikk mot musikkindustrien, framandgjering og ei hyllest til den opphavlege medlemmen Syd Barrett, som slutta sju år tidlegare på grunn av dårleg mental helse. Som på det førre albumet deira, The Dark Side of the Moon (1973), brukte Floyd mykje studioeffektar og syntheziser og henta inn gjestesongarar, inkludert Roy Harper, som song solovokal på «Have a Cigar», og Venetta Fields, som song korvokal på «Shine On You Crazy Diamond». For å marknadsføre albumet gav bandet ut den doble A-sida «Have a Cigar»/«Welcome to the Machine».
Wish You Were Here fekk blanda kritikk då det kom ut, der somme meinte musikken var uinspirerande og ikkje like bra som det dei tidlegare hadde gjort. Seinare har albumet nesten utelukkande fått strålande kritikk og blitt rekna som eit av dei beste albuma gjennom tidene. Klaverspelaren Richard Wright og gitaristen David Gilmour har begge omtalt dette som favorittalbumet sitt av Pink Floyd. Albumet gjekk til topps på albumlistene i både USA og Storbritannia, og moderselskapet til Harvest, EMI, klarte ikkje å trykkje nok plater til å dekkje etterspurnaden. Sidan den gongen er et estimert at albumet har seld 13 millionar eksemplar.
- ↑ «50 Greatest Prog Rock Albums of All Time». Rolling Stone. 17. juni 2015. Arkivert frå originalen 15. juli 2016. Henta 30. juni 2019.
- ↑ Pink Floyd. Spin Magazine. 2002. s. 78.
- ↑ Encyclopedia of Recorded Sound. Guy A Marco. 1993. s. 1651.