Yukon | |||
territorium | |||
|
|||
Land | ![]() | ||
---|---|---|---|
Del av | Nord-Canada | ||
Hovudstad | Whitehorse | ||
Areal | 482 443 km² | ||
Folketal | 40 232 (2021)[1] | ||
Grunnlagd | 13. juni 1898 | ||
Språk | engelsk, fransk | ||
Tidssone | UTC-8 | ||
![]() Yukon 60°43′15″N 135°03′12″W / 60.720833333333°N 135.05333333333°W | |||
Wikimedia Commons: Yukon |
Yukon er eitt av tre territorium i Canada. Det ligg heilt nordvest i Canada, med grense mot Alaska. Arealet av territoriet er 482 443 km², av det over 8000 km² sjøar. Yukon er mykje kjent for gullrushet i Klondike i 1897–1898. Namnet til territoriet kjem frå elva Yukon, som på gwich’in tyder 'stor elv'.
Kartomrisset er trekantforma med sidene mot Britisk Columbia i sør, Alaska i vest og mot Nordvestterritoria i aust. Nordspissen av triangelet har ei kystlinje på under 200 kilometer i nord mot Mackenziebukta i Beauforthavet. I 2006 var folkesetnaden i territoriet på 31 229 eller 0,06 pr. km². Mange av innbyggjarane i territoriet er frå ei av dei talrike folkegruppene av amerikanske urfolk.