Back Cicero Afrikaans Marcus Tullius Cicero ALS ኪኬሮ Amharic Cicerón AN شيشرون Arabic كيكيرو ARY شيشرون ARZ মাৰ্কাছ টুলিয়াছ চিচেৰো Assamese Cicerón AST Цицерон AV
|
Ciceron
| |
|---|---|
 | |
| Naissença | 3 de genièr 106 ab JC Arpino |
| Decès | 7 de decembre de 43 ab JC Formia |
| País d'origina | |
| Nacionalitat | |
| Profession | cònsol |
| Ocupacion | |
| Luòc de trabalh | |
| Distincions | Pater patriae, Iperator |
Ciceron (en latin Marcus Tullius Cicero), nascut lo 3 de genièr 106 ab JC, a Arpino en Itàlia e mòrt lo 7 de decembre de 43 ab JC a Formia, foguèt un òme d’Estat, avocat e un autor roman.
Ciceron es conegut coma un dels esperits pus versadís de la Roma antica. Foguèt el que presentèt als romans las escòlas de la filosofia grèga e desvolopèt un vocabulari filosofic en latin, se distinguissent coma un lingüista, traductor, e filosòf. Un orador remirable e un avocat de primièra, Ciceron pensava probablament que sa carrièra politica èra sa realizacion majora. Uèi, es apreciat dempuèi per son umanisme e sos trabalhs filosofics e politics. Sa correspondéncia abondanta, subretot adreiçada al seu amic Titus Pomponius Atticus, aguèt fòrça influéncia, e foguèt a l'origina de l'art epistolar rafinat dins la cultura Europèa. Cornelius Nepos, lo biograf de Titus Pomponius Atticus al sègle I ab.C., comentèt que las letras de Ciceron contenián tant de riquesa e de detalhs "sus las inclinasons dels òmes importants, las flaquesas dels generals, e las revolucions dins lo govèrn"[1] qu'assabentavan son lector subre l'istòria del periòde.
Pendent la segonda mitat bassacada del sègle I ab.C., marcada per las guèrras civilas e per la dictatura de Juli Cesar, Ciceron sostenguèt un retorn al govèrn republican tradicional. Pasmens, sa carrièra coma òme d'Estat foguèt marcada per d'inconsisténcias e una tendéncia a cambiar de posicion en responsa a las mudanças del clima politic. Son indecision se pòt atribuir a sa personalitat sensibla e impressionabla: teniá un aclinament a reagir d'un biais exagerat quand i aviá de mudanças politicas e privadas. "Auriá pas pogut suportar la prosperitat amb mai de mestresa e l'adversitat amb mai de coratge!" escriguèt Gaius Asinius Pollio, un òme d'Estat e istorian roman qu'èra son contemporanèu[2][3].