Back Énerji ACE Energie Afrikaans Energie ALS አቅም Amharic Enerchía AN طاقة Arabic ܬܘܩܦܐ ARC طاقة ARY طاقه ARZ শক্তি Assamese
L’energia es una grandor fisica caracteristica d'un sistèma fisic que garda la meteissa valor dins lo corrent de totei lei transformacions intèrnas d'aqueu sistèma e qu'exprimís sa capacitat de modificar l'estat d'autrei sistèmas. Son unitat dins lo sistèma internacionau es lo joule. Es una grandor importanta de la fisica car permet de descriure lei concèptes de trabalh e de calor.
La nocion modèrna d'energia es apareguda durant lo sègle xvii amb l'emergéncia de la mecanica newtoniana. N'existís plusors formas diferentas que son nombre pòu variar segon lei disciplinas consideradas. Entre lei pus frequentas, se pòu citar l'energia mecanica, l'energia quimica, l'energia intèrna, l'energia nucleara e l'energia electromagnetica. L'energia es tanben liada a la massa per la relacion famosa descubèrta per Albert Einstein : E = mc2.
En mai dau joule, d'autreis unitats d'energia pòdon èsser utilizadas. L'electronvolt es ansin d'usatge frequent en fisica dei particulas car es ben adaptat ai calculs presents dins aquela disciplina. Dins certanei tèxtes ancians, se pòu tanben veire la caloria e la quilocaloria. Desenant dicha « caloria », es encara fòrça utilizada en medecina.